Boerkabeljou
Die Boerkabeljou (Argyrosomus japonicus) is deel van die Sciaenidae-familie en kom reg rondom die kus van Suid-Afrika en ook in Australië voor. Die boerkabeljou is groter as die kabeljou en is 'n gesogte eetvis. In Engels staan die vis bekend as die Dusky kob.
| Boerkabeljou | |
|---|---|
| |
| Wetenskaplike klassifikasie | |
| Domein: | |
| Koninkryk: | |
| Filum: | |
| Subfilum: | |
| Infrafilum: | |
| Superklas: | |
| Klas: | |
| Subklas: | |
| Infraklas: | |
| Superorde: | |
| Orde: | |
| Familie: | |
| Genus: | |
| Spesie: | A. japonicus
|
| Binomiale naam | |
| Argyrosomus japonicus | |
Voorkoms wysig
Die vis is silwer van kleur met 'n pienk skynsel op die rug. Kenmerkend is die ry pêrelagtige wit kolle op die sye. Die gemiddelde grootte boerkabeljou wat gevang word is 15 kg, maar die boerkabeljou kan tot 75 kg swaar word.
Gewoontes wysig
Die vis word hoofsaaklik in seebranders en riviermondings aangetref. Die volwassenes skiet kuit op aflandige riwwe. Die vis jag saam in skole en migreer in die winter na die kusgebied van KwaZulu-Natal om kuit te skiet. Hulle vreet hoofsaaklik kleiner visse, tjokka, pylinkvis en skaaldiere.
Oorbevissing van die vis deur kommersiële en ontspanningshengelaars het sy getalle drasties laat verminder. [1]
Sien ook wysig
Eksterne skakel wysig
Bronne wysig
- Top Angling Fishes of Southern Africa. Hennie Crous. 2010. ISBN 978-1-77007-403-3
- Gids tot die Kusgebiede van Suid-Afrika. Jacana Media. 2007. ISBN 978-1-77009-215-0
Verwysings wysig
- ↑ * The Reef Guide: Fishes, corals, nudibranchs & other invertebrates: East & South Coasts of Southern Africa. Dennis King & Valda Fraser. Struik Nature. 2014 ISBN 978-1-77584-018-3