Chris Hani Baragwanath-hospitaal

hospitaal in Suid-Afrika

Die Chris Hani Baragwanath-hospitaal is ’n hospitaal geleë in Soweto, suid van Johannesburg, Suid-Afrika. Dit is die grootste hospitaal in Afrika en die suidelike halfrond en die vierde grootste hospitaal ter wêreld[1] met ’n oppervlakte van 0,7 km² en met 3 200 beddens en 6 760 personeellede. Dit is een van die veertig Gautengse provinsiale hospitale en word deur die Gautengse Provinsiale Gesondheidsdepartement gefinansier.

Ingang tot die Chris Hani Baragwanath-hospitaal
Die hospitaal in 1942.

Die hospitaal is in 1941 deur eerste minister, genl. Jan Smuts, as die Royal Imperial Hospital, Baragwanath geopen en het as militêre hospitaal vir die Imperiale Britse magte gedien wat in die Midde-Ooste geveg het. Die hospitaal het vanaf 1948 as die Baragwanath-hospitaal bekendgestaan, genoem na John Baragwanath, 'n Corniese immigrant wat die grond besit het waarop die hospitaal vandag staan.[2] Die naam Chris Hani is in 1997 by die hospitaal se naam gevoeg om die vermoorde ANC- en SAKP-lid te herdenk.

Meer as tweeduisend pasiënte meld daagliks by die hospitaal aan, en bykans die helfte van hulle is MIV-positief.[3]

Bronne wysig

Verwysings wysig

  1. Omondi, Sharon (9 Oktober 2017). "The Largest Hospitals in the World". WorldAtlas (in Engels). Geargiveer vanaf die oorspronklike op 9 Oktober 2017. Besoek op 19 April 2022.
  2. Adri Pillans: Hospitalisasie, gesofistikeerde diens. In: Suid-Afrikaanse Panorama, volume 33, nommer 7, Julie 1988, bl. 37
  3. "42% of Baragwanath patients have HIV". News24 (in Engels). 16 Oktober 2001. Besoek op 19 April 2022.

Eksterne skakels wysig

Koördinate: 26°15′39″S 27°56′35″O / 26.26083°S 27.94306°O / -26.26083; 27.94306