Christopher Hibbert
Christopher Hibbert (gebore Arthur Raymond Hibbert) (5 Maart 1924 – 21 Desember 2008), was 'n Engelse skrywer, geskiedkundige en biograaf. Hy is "die pêrel van biograwe" genoem." (New Statesman) en "waarskynlik die mees wydgelese geskiedkundige van die huidige tydvak en ongetwyfeld een van die mees bedrywigste" (The Times).[1] Hibbert was 'n lid van die Koninklike Genootskap van Literatuur en die outeur van verskeie boeke, insluitende The Story of England, Disraeli, Edward VII, George IV, The Rise and Fall of the House of Medici, en Cavaliers and Roundheads.
Christopher Hibbert | |
|---|---|
| Gebore | Arthur Raymond Hibbert 5 Maart 1924 |
| Sterf | 21 Desember 2008 |
| Nasionaliteit |  Engeland |
| Beroep | Skrywer, biograaf, historikus |
Biografie wysig
Arthur Raymond Hibbert is in 1924 in Enderby, Leicestershire, gebore as die seun van die H. V. Hibbert, 'n priester, en sy vrou Maude. Hy ontvang sy opvoeding aan Radley Kollege, voordat hy inskryf aan Oriel Kollege, Universiteit van Oxford.[1][2] Hy het 'n BA-graad, en later 'n MA-graad verwerf.
Later verlaat hy Oriel Kollege ten einde aan te sluit by die leër, waar 'n sersant-majoor na Hibbert verwys het as "Christopher Robin" (uit die Winnie the Pooh-boekreeks) vanweë sy jeugdige voorkoms. Die naam "Christopher" het gevolglik aangebly. Gedurende die Tweede Wêreldoorlog het Hibbert diens gedoen as 'n infanterie offisier in die London Irish Rifles-regiment in Italië. Hy het mettertyd die rang van kaptein bereik. Hy was twee keer gewond. Die Militêre Kruis is in 1945 aan hom toegeken.[2][3]
Hy was vanaf 1945 tot 1959 'n vennoot in 'n firma van grondagente en - opveilers,[1] en het sy skrywersloopbaan in 1957 begin.[3] Die Heineman-toekenning vir literatuur is in 1962 aan hom toegeken vir The Destruction of Lord Raglan,[2] en die McColvin-medalje van die Biblioteekgenootskap in 1989. Christopher Hibbert was 'n genoot van die Koninklike Genootskap van Literatuur en die Koninklike Geografiese Genootskap. 'n Ere-doktoraat in letterkunde is deur die Universiteit van Leicester aan hom toegeken.
Persoonlike Lewe wysig
Hibbert het in Henley-on-Thames, Oxfordshire gewoon, en was 'n lid van die Leër- en Vlootklub en die Garrick Klub. Hy was getroud met Susan Piggford en die paartjie het drie kinders gehad; sy literêre eksekuteur Kate Hibbert, die televisieskrywer Jimmy Hibbert en die musiekjoernalis Tom Hibbert.[2]
Hibbert is op die ouderdom van 84 op 21 Desember 2008 in Henley aan longontsteking oorlede.[1][2][3] Hy is op 2 Januarie 2009, na 'n seremonie van die Britse Humanistiese Assosiasie in Oxford, veras.[4]
Werke wysig
- The Road to Tyburn (New World, 1957)
- King Mob (Longmans, 1958)
- Wolfe at Quebec (Longmans, 1959)
- Corunna (B. T. Batsford,1961) ISBN 113571309X
- The Destruction of Lord Raglan (Longmans, 1961)
- Benito Mussolini (Longmans, 1962)
- The Roots of Evil: A Social History of Crime and Punishment (Weidenfeld & Nicolson, 1963)
- Agincourt (Batsford, 1964)
- The Court at Windsor (Longmans, 1964)
- Garibaldi and his enemies (Longmans, 1965)
- The Making of Charles Dickens (Harper & Row, 1967)
- Waterloo (New English Library, 1967) ISBN 978-1853266874
- London, the Biography of a City (Longmans, Green & Co., 1969)
- Charles I (Weidenfeld & Nicolson, 1968)
- The Search for King Arthur (American Heritage, 1969)
- The Dragon Wakes (Harper & Row, 1970)
- The Personal History of Samuel Johnson (Longmans, 1971)
- Tower of London (Newsweek [Series: Wonders of Man], 1971) ISBN 978-0882250021
- George IV (Vol 1: Longman, 1972; Vol 2: Allen Lane)
- The House of Medici: Its Rise and Fall (Morrow, 1975)
- Versailles (Series: Wonders of Man, 1975)
- Edward VII: A Portrait (Allen Lane, 1976)
- The Great Mutiny: India, 1857 (Allen Lane, 1978), as Penguin Pocketbook: 1980, ISBN 978-0-14-004752-3.
- The French Revolution (Penguin, 1980) ISBN 978-0-14-004945-9.
- Africa Explored (Allen Lane, 1982)
- Chateaux of the Loire (Series: Wonders of Man, 1983)
- The London Encyclopaedia, met Ben Weinreb (Macmillan, 1983)
- Rome, the Biography of a City (Norton, 1985) ISBN 0393019845
- The English: A Social History (Grafton, 1987) ISBN 0246121815
- Venice: The Biography of a City 1988 google.ca listing
- The Encyclopaedia of Oxford (Macmillan, 1988)
- Redcoats and Rebels (Grafton, 1990) ISBN 978-0393322934
- The Virgin Queen: Elizabeth I, Genius of the Golden Age (Addison–Wesley, 1991)
- Florence: Biography of a City (Norton, 1993) ISBN 0140166440
- Cavaliers & Roundheads: The English Civil War, 1642–1649 (HarperCollins, 1993)
- The Story of England (Phaidon Press, 1994)
- Nelson: A Personal History (Penguin, 1994) ISBN 978-0-14-016738-2
- Wellington: A Personal History (Da Capo, 1997)
- George III: A Personal History (Penguin, 1998) ISBN 978-0-14-025737-3
- Queen Victoria: A Personal History (HarperCollins, 2000)
- The Marlboroughs: John and Sarah Churchill 1650-1744 (Viking, 2001)
- Napoleon: His Wives and Women (HarperCollins, 2002)
- Great Battles: Agincourt (Phoenix new edition 2003) ISBN 1842127187
- Disraeli: A Personal History (HarperCollins, 2004)
- Disraeli: The Victorian Dandy Who Became Prime Minister (Palgrave Macmillan, New York City 2006) ISBN 978-1-4039-7270-5.
- The Borgias and Their Enemies: 1431–1519 (Mariner Books, 2009)
Verwysings wysig
- ↑ 1,0 1,1 1,2 1,3 "Christopher Hibbert: popular historian". The Times (in Engels). 29 Desember 2008. Geargiveer vanaf die oorspronklike op 23 Mei 2010. Besoek op 28 Augustus 2011.
- ↑ 2,0 2,1 2,2 2,3 2,4 Sheppard, Francis (27 Januarie 2009). "Obituary: Christopher Hibbert". The Guardian (in Engels). Geargiveer vanaf die oorspronklike op 5 Mei 2019. Besoek op 28 Augustus 2011.
- ↑ 3,0 3,1 3,2 Grimes, William (6 Januarie 2009). "Christopher Hibbert, 84, Lively Historian, Dies". The New York Times (in Engels). Geargiveer vanaf die oorspronklike op 16 April 2019. Besoek op 28 Augustus 2011.
- ↑ "Hibbert, Arthur Raymond [Christopher] (1924–2008), historian". Dictionary of National Biography. Mei 2012. Besoek op 23 September 2012. Subscription needed.