Wikipedia

Colin Farrell

Ierse akteur

Colin James Farrell (geb. 31 Mei 1976)[1] is ’n Ierse akteur. Sy eerste toneelervaring was in 1998 in die BBC se TV-drama Ballykissangel. Hy is veral bekend vir sy rolle in Alexander (2004), Miami Vice (2006) en In Bruges (2008). Vir laasgenoemde het hy 'n Golden Globe gewen.

Colin Farrell
'n Beeld van die betrokke persoonlikheid.
Farrell in 2015 op die Cannes-rolprentfees.
Geboortenaam Colin James Farrell
Geboorte 31 Mei 1976 (1976-05-31) (47 jaar oud)
Castleknock, Dublin, Ierland
Nasionaliteit Iers
Lewensmaat Kim Bordenave (2002–'03)
Alicja Bachleda-Curuś (2009–'10)
Kinders 2
Beroep(e) Akteur
Aktiewe jare 1997–tans
Internet-rolprentdatabasis-profiel

Vroeë lewe wysig

Farrell is in Dublin, Ierland, gebore as die seun van Eamon Farrell en Rita Monaghan. Sy pa het sokker gespeel vir die Shamrock Rovers en ’n gesondheidswinkel gehad.[1][2] Sy oom Tommy Farrell het vir dieselfde klub gespeel.

Die akteur het ’n gay ouer broer, Eamon jr., wat getroud is met die kunstenaar Stephen Mannion,[3] en twee susters, Claudine en Catherine. Eersgenoemde is sy persoonlike assistent.[4][5] Farrell het ’n oudisie gedoen vir die Ierse musiekgroep Boyzone, maar is nie gekeur nie.[5]

Onder aansporing van sy broer het hy die Gaiety School of Acting bygewoon en dit verlaat toe hy ’n rol in Ballykissangel kry.[6] As ’n 18-jarige besoeker aan Sydney, Australië, was hy ’n verdagte in ’n poging tot moord.[7] Die polisieskets het merkwaardig soos hy gelyk en hy het selfs erken dat hy die aand van die voorval bewusteloos geraak het. Sy enigste alibi was skynbaar ’n dagboek wat sy vriend gehou het waarin aangeteken is dat die twee in ’n ander deel van die stad was en die dwelmmiddel MDMA gebruik het.[8]

Loopbaan wysig

 
Farrell in 2007 op die Toronto-rolprentfees.

Farrell het sy rolprentdebuut in 1999 gemaak in die drama The War Zone.[9]

Hollywood het hom ontdek toe hy die hoofrol in die oorlogsdrama Tigerland (2000) speel. In 2002 en 2003 het hy in die Amerikaanse rillers Phone Booth, S.W.A.T. en The Recruit gespeel en internasionaal aandag getrek. In dié tyd het hy ook in Steven Spielberg se wetenskapsfiksieriller Minority Report (2002) en in die superheldfilm Daredevil (2003) gespeel. Ná rolle in die onafhanklike rolprente Intermission (2003) en A Home at the End of the World (2004) het hy die rol van Alexander die Grote vertolk in Oliver Stone se prent Alexander (2004) en in The New World (2005) verskyn.

Daarna het werk gevolg in Miami Vice, ’n rolprentweergawe van die TV-reeks met dieselfde naam, asook in Woody Allen se Cassandra's Dream (2007). Vir sy spel in In Bruges (2008) het hy ’n Golden Globe gewen. In onlangse jare het hy verskyn in die komedieriller Fright Night (2011), die wetenskapsfiksie-aksieprent Total Recall (2012) en die swartkomedie-misdaadprent Seven Psychopaths (2012). In 2013 was hy in onder meer in Saving Mr. Banks, oor die skrywer van Mary Poppins, en in 2014 in die fabel Winter's Tale. In 2015 was hy speurder Ray Velcoro in die tweede seisoen van die TV-reeks True Detective, saam met Vince Vaughn en Rachel McAdams.

Hy is gewild onder verskeie resensente en het ook ’n reputasie as ’n hartebreker opgebou. In die 2000's het hy met verskeie beroemde vroue uitgegaan.

Persoonlike lewe wysig

Verhoudings en kinders wysig

Farrell het in 2001 met die sangeres Amelia Warner uitgegaan.[10] Daar is gegis dat hulle getroud is, maar later het dit bekend geraak dat die troue nie wettig of ernstig was nie.[11] Hy het ’n tatoe van Amelia se naam aan sy ringvinger. Teen die einde van 2003 was sy naam reeds gekoppel aan dié van die sangeres Britney Spears,[12][13] die Playboy-voorbladmeisie Nicole Narain,[14] die model Josie Maran en die aktrises Angelina Jolie,[15][16] Maeve Quinlan en Demi Moore.[10][17]

Colin en die Amerikaans-Kanadese model Kim Bordenave het in 2003 die ouers geword van James Padraig Farrell. In 2007 het hy gesê sy seun het Angelman-sindroom, ’n seldsame genetiese afwyking wat gekenmerk word deur ’n stadige intellek en ontwikkeling, ’n spraakgebrek en ’n gelukkige houding.[18]

Daarna het hy uitgegaan met die Ierse mediese student Muireann McDonnell[19] en die Brits-Amerikaanse skrywer Emma Forrest.[20] Hy het in 2009 nog ’n seun, Henry Tadeusz Farrell, gehad by sy mede-akteur in Ondine Alicja Bachleda-Curuś.[21][22] Die verhouding is in 2010 beëindig.[23]

Dwelmverslawing wysig

Farrell is in Desember 2005 in ’n rehabilitasiesentrum vir dwelmgebruikers opgeneem.[24] Hy het ná sy ontslag daarvan vertel in die Late Show with David Letterman[24] en in die jare daarna steeds daaroor gepraat.[25][26]

Seksvideo wysig

In Julie 2006 het Farrell ’n hofsaak gemaak teen sy voormalige meisie die Playboy-model Nicole Narain en die Internet Commerce Group (ICG) vir die verspreiding van ’n seksvideo van 13 minute wat hy en Narain in 2003 gemaak het.[27] Volgens hom wou Narain sy loopbaan skade berokken en "geld daaruit maak". Narain het dit ontken.[28][29] Op 16 April 2006 het hulle ’n vertroulike skikking buite die hof bereik.

Pryse wysig

Jaar Rolprent Prys
2000 Tigerland Boston Society of Film Critics Award
2002 Hart's War Shanghai International Film Festival
2003 Tigerland London Critics Circle Film Award
2008 In Bruges Golden Globe
2009 Ondine Irish Film and Television Award en
San Diego Film Critics Society Award

Verwysings wysig

  1. ↑ 1,0 1,1 "Colin Farrell Biography (1976–)" (in Engels). Filmreference.com. Geargiveer vanaf die oorspronklike op 10 September 2019. Besoek op 25 Januarie 2011.
  2. ↑ "Colin's Grief for Grandfather..." (in Engels). Showbizireland.com. 24 Mei 2006. Geargiveer vanaf die oorspronklike op 4 Desember 2009. Besoek op 25 Januarie 2011.
  3. ↑ McGoldrick, Debbie (24 Junie 2009). "Colin Farrell's brother marries". Irish Central (in Engels). Geargiveer vanaf die oorspronklike op 4 Maart 2016. Besoek op 11 Julie 2014.
  4. ↑ "Colin Farrell Shows His Brotherly Love At "Vice" Premiere". Hello (in Engels). Geargiveer vanaf die oorspronklike op 24 September 2015. Besoek op 28 Julie 2006.
  5. ↑ 5,0 5,1 "Movie Idols: We look at the exploding film career of Colin Farrell" (in Engels). Visimag.com. Geargiveer vanaf die oorspronklike op 21 Oktober 2018. Besoek op 2004. {{cite web}}: Gaan datum na in: |access-date= (hulp)
  6. ↑ "Ballykissangel" (in Engels). British Film Institute website. Geargiveer vanaf die oorspronklike op 18 Oktober 2013.
  7. ↑ "Farrell escaped attempted murder rap by revealing other crime" (in Engels). Contactmusic.com. 24 November 2004. Geargiveer vanaf die oorspronklike op 27 September 2018. Besoek op 20 Junie 2015.
  8. ↑ "True Detective star Colin Farrell says he was once suspected in an attempted murder" (in Engels). Vanityfair.com. 19 Junie 2015. Geargiveer vanaf die oorspronklike op 27 April 2020. Besoek op 20 Junie 2015.
  9. ↑ "Colin Farrell Biography & Filmography" (in Engels). Womenrepublic.co.uk. 31 Mei 1976. Geargiveer vanaf die oorspronklike op 7 September 2014. Besoek op 25 Januarie 2011.
  10. ↑ 10,0 10,1 Thompson, Anne (23 Februarie 2003). "How to make it big, the Colin Farrell way". The Guardian (in Engels). London. Geargiveer vanaf die oorspronklike op 26 Augustus 2009. Besoek op 17 Januarie 2016.
  11. ↑ Hogan, Dave (17 Desember 2011). "Colin's pretty ex is a Farrelly-y good singer". The Sun (in Engels). London. Geargiveer vanaf die oorspronklike op 17 Oktober 2015.
  12. ↑ Silverman, Stephen M. (30 Januarie 2003). "Farrell, Spears Happily Hand in Hand". People (in Engels). US. Geargiveer vanaf die oorspronklike op 4 Maart 2016.
  13. ↑ Soriano, Cesar G. (29 Januarie 2003). "Spears, Farrell officially an item?". USA Today (in Engels). US. Geargiveer vanaf die oorspronklike op 16 Mei 2011.
  14. ↑ "Nicole Narain" (in Engels). Askmen.com. Geargiveer vanaf die oorspronklike op 30 September 2017.
  15. ↑ "Angelina Jolie and Colin Farrell Dating?" (in Engels). 24 November 2003. Geargiveer vanaf die oorspronklike op 7 September 2014.
  16. ↑ "Colin Farrell & Girlfriend Expecting Their First Child Together" (in Engels). Babyrazzi. 14 September 2009. Geargiveer vanaf die oorspronklike op 29 November 2017.
  17. ↑ Malkin, Mark S. (3 Februarie 2003). "Spears, Farrell officially an item?". Intelligencer, NY magazine (in Engels). US. Geargiveer vanaf die oorspronklike op 4 Augustus 2019.
  18. ↑ Superstar Colin tells of 'blessed' life with special needs child. Irish Independent. 15 Oktober 2007.
  19. ↑ "Colin Farrell: Biography". People (in Engels). Geargiveer vanaf die oorspronklike op 29 Augustus 2016. Besoek op 19 Februarie 2013.
  20. ↑ Newton, Maud (2 Mei 2011). "When Your Shrink Dies: Emma Forrest's Therapy Memoir". The Awl (in Engels). Geargiveer vanaf die oorspronklike op 5 Desember 2019.
  21. ↑ Michaud, Sarah (30 Oktober 2009). "Colin Farrell and Girlfriend Welcome a Son". People (in Engels). Geargiveer vanaf die oorspronklike op 3 Maart 2016. Besoek op 25 Januarie 2011.
  22. ↑ "Alicja: Why I HAD to split up with Colin Farrell". evoke.ie (in Engels). 14 Junie 2015. Geargiveer vanaf die oorspronklike op 6 November 2017.
  23. ↑ Sachs, Adam (November 2012). "The Blood, Sweat, and Tears of Colin Farrell" (in Engels). Details Magazine. Geargiveer vanaf die oorspronklike op 19 Oktober 2013. Besoek op 7 Augustus 2013.
  24. ↑ 24,0 24,1 Faber, Judy (11 Februarie 2009). "Colin Farrell: 'Rehab Was Horrible'" (in Engels). New York: CBS News. Geargiveer vanaf die oorspronklike op 19 Oktober 2013.
  25. ↑ "The Blood, Sweat, and Tears of Colin Farrell" (in Engels). Details. Geargiveer vanaf die oorspronklike op 19 Oktober 2013.
  26. ↑ Harrod, Horatia (29 November 2010). "Colin Farrell interview". The Daily Telegraph (in Engels). Londen. Geargiveer vanaf die oorspronklike op 16 Maart 2018.
  27. ↑ "Kdkaentertainment". Farrell Sex Tape Web Site Shuts Down (in Engels). Geargiveer vanaf die oorspronklike op 11 Oktober 2007. Besoek op 11 Januarie 2006.
  28. ↑ "Colin Farrell Settles Sex Tape Fight" (in Engels). Kdka.com. Geargiveer vanaf die oorspronklike op 11 Oktober 2007. Besoek op 19 April 2006.
  29. ↑ "Trial Date Set For Farrell Sextape Suit". Bravenet.com. Geargiveer vanaf die oorspronklike op 19 Oktober 2013. Besoek op 20 Januarie 2005.

Eksterne skakels wysig

Ontsluit van "https://af.wikipedia.org/w/index.php?title=Colin_Farrell&oldid=2646410"