Corfu of Korfoe (Grieks: Κέρκυρα, Kerkura/Kerkira/Kerkyra, [ˈcercira], Latyns: Corcyra; Italiaans: Corfù) is ’n eiland in die Ioniese See noordwes van Griekeland en suidwes van Albanië. Die eiland het 'n oppervlakte van 1 540 km² en 'n bevolking van 102 071 (2011), van wie ongeveer 'n derde in die gelyknamige hoofstad woon. Die gelyknamige departement omvat die eiland Corfu en enkele ander eilande. Corfu is ’n gewilde toeristebestemming.[1]

Corfu
Inheemse naam: Κέρκυρα
Kaart van Corfu
Kaart van Corfu
Geografie

Ligging Griekeland, Ioniese See
Koördinate 39°35′N 19°52′O / 39.583°N 19.867°O / 39.583; 19.867Koördinate: 39°35′N 19°52′O / 39.583°N 19.867°O / 39.583; 19.867
Argipel Ioniese eilande

Oppervlakte 1 540 vk km
Hoogste punt Berg Pantokrator 911 m
Administrasie
Vlag van Griekeland Griekeland
Streek Ioniese eilande

Hoofstad Corfu-stad
Grootste stad Corfu-stad (39 674)

Demografie
Bevolking 102 071

Geskiedenis wysig

 
Corfu-stad
 
Kus

In antieke tye was Corfu 'n kolone van Korinthe. Hierdie kolonie was een van die oorsake vir die begin van die Peloponnesiese oorlog. Later het die eiland deel van die Romeinse Ryk geword. Dit was ook op 'n tyd deel van die Bisantynse Ryk gewees.

Die eiland is deur baie lande beheer. In die dertiende eeu het die Venesiërs beheer oor die eiland geneem en dit tot 1797 regeer. Gedurende hierdie tyd het die Ottomane die eiland twee keer aangeval (in 1537 en weer in 1716). Onder Napoleon Bonaparte se bewind het die Franse die eiland oorgeneem. Hulle het egter beheer in 1799 aan die Russe en Turke verloor. Daarna is die eiland in 1807 aan Frankryk teruggegee en in 1815 aan Engeland oorhandig. In 1864 het die Verenigde Koninkryk Corfu saam met die ander Ioniese eilande aan Griekeland oorgedra.

In die negentiende eeu het keiserin Elisabeth van Oostenryk, ook bekend as Sissi, 'n paleis op die eiland gebou. Die paleis staan as Achilleion bekend. Die naam van die paleis kom van 'n beeld van die held Achilles.

Toerisme wysig

Corfu is 'n gewilde toeristebestemming en een van die mees besoekte eilande in die Middellandse See. Die eiland het talle strande, woude en olyfbome.

Corfu-stad het 'n outydse karakter met talle Venesiese, Napoleontiese en Georgiese geboue. In 2007 is die ou kwartier van die stad deur Unesco as wêrelderfenisgebied verklaar.[2]

Die Achilleion-paleis is 'n bekende trekpleister vir toeriste. Daarnaas beskik die eiland oor talle dorpies, strande en bekende kastele.

Klimaat wysig

Maand Jan Feb Mar Apr Mei Jun Jul Aug Sep Okt Nov Des Jaar
Hoogste gem. °C 14 14 16 19 23 28 31 31 28 23 18 15 22
Laagste gem. °C 5 6 7 9 13 16 18 18 16 13 9 7 11
Neerslag in mm 132 137 99,1 61,0 35,6 15,2 7,60 17,8 76,2 147 180 180 90,8

Bron: Weather Channel 7 September 2008

Verwysings wysig

  1. HAT Taal-en-feitegids, Pearson, Desember 2013, ISBN 978-1-77578-243-8
  2. "Old Town of Corfu" (in Engels). Unesco. Geargiveer vanaf die oorspronklike op 7 Oktober 2019. Besoek op 30 Julie 2017.

Eksterne skakels wysig