Cornelis van Boeschoten

Nederlands-Transvaalse onderwyser en staatsman

Cornelis van Boeschoten (Wijk bij Duurstede, 26 Februarie 1845 - Den Haag, 10 November 1927) was 'n Nederlands-Transvaalse onderwyser en staatsman.

Biografie wysig

Van Boeschoten vertrek op 16-jarige ouderdom saam met sy ouers na die Zuid-Afrikaansche Republiek (Transvaal), waar sy pa grond in Zoutpansberg gekoop het om 'n plantasie te begin. In 1866 is sy ouers aan malaria oorlede, waarna hy na sy broers en susters moes omsien. Hy dien 'n rukkie in die Nederduits Hervormde Kerk Schoemansdal, totdat die dorp ontruim is weens 'n aanval deur die Venda. Hy het daarna 'n loopbaan in die onderwys gevolg en is in 1872 as skoolhoof in Pretoria aangestel.

Van Boeschoten word in 1881 'n amptenaar en sekretaris van die Uitvoerende Raad en vorder uiteindelik tot waarnemende adjunk-staatsekretaris vir Willem Johannes Leyds, wat 'n ruk lank in Europa gebly het weens 'n keelaandoening. Hy het Paul Kruger vergesel toe hy gedurende die Tweede Vryheidsoorlog na Europa verhuis het en het hom tot kort voor sy dood in 1904 bygestaan het.

Van Boeschoten het Suid-Afrika in 1913 weer besoek en daarna na Den Haag teruggekeer. Hy is daar in 1927 oorlede. Leyds het sy begrafnis bygewoon.

Bronne wysig