Crazy Horse
Crazy Horse (ongeveer 1842 - Fort Robinson, 5 September 1877) was 'n "Inheemse Amerikaner" van die Oglala Lakota wat bekend geword het as 'n prominente oorlogsleier van die Lakota, Tsitsistas (Cheyenne) en Inuna-Ina (Arapaho). Sy naam was Tashunka Witko, wat beteken "Pronkende Perd". Tashunka Witko het die weerstand van die drie genoemde volke teen die oorname van Amerikaanse setlaars en goudprospekteerders van hul Paha Sapa (Black Hills) in Suid-Dakota en Wyoming gelei. Hierdie gebied, wat 'n heilige betekenis vir die inheemse inwoners het, was vol minerale. Tashunka Witko is in 1877 in Fort Robinson, Nebraska, doodgemaak waar hy by sy neef, Touch The Clouds, gebly het. Hy was die teenstander van generaal George Armstrong Custer, wat in die Slag van Little Bighorn gesterf het. Toe Crazy Horse geveg het, het hy sy hare losgemaak en 'n bliksemstraal op sy kop geverf.
| Crazy Horse | |
Oorlogsleier van die Lakota
| |
Persoonlike besonderhede
| |
|---|---|
| Sterf | 5 September 1877 Fort Robinson |
Militêre Diens
| |
| Lojaliteit | Lakota, Tsitsistas (Cheyenne) en Inuna-Ina (Arapaho) |
| Oorloë/Veldslae | Slag van Little Bighorn |
In die omgewing van Mount Rushmore is daar sedert 1948 werk aan die Crazy Horse Mountain Carving (170 mx 195 m). Hierdie monument sal, wanneer dit gereed is, Crazy Horse voorstel wat op 'n perd sit.
In die populêre kultuur wysig
Crazy Horse is die naam van 'n Amerikaanse rockgroep wat baie met Neil Young gewerk het.
'n Belgiese groep het ook na die hoof vernoem.
Le Crazy Horse Saloon is 'n bekende kabaret in Parys.
Amerikaanse films is in 1955 en 1995 aan sy lewe toegewy.
Notas wysig
| Hierdie artikel is in sy geheel of gedeeltelik vanuit die Nederlandse Wikipedia vertaal. |
