Dallas (TV-reeks)

Amerikaanse TV-sepie

Dallas is 'n Amerikaanse TV-sepie wat in die 1970's en 1980's in talle wêrelddele gewild was. Die reeks is tussen 2 April 1978 en 3 Mei 1991 deur die Amerikaanse TV-stasie CBS uitgesaai. Dit handel oor die magtige Ewing-familie, wat 'n fortuin uit Texas se olie-industrie gemaak het. In totaal is 14 seisoene en 357 aflewerings van die reeks geproduseer. Dit maak Dallas een van die langslopende reekse in die Verenigde State.

Dallas

Die Southfork-landgoed, waar die reeks afspeel.
Genre Sepie
Taal Engels
Aantal seisoene 14
Aantal episodes 357
Produksie
Looptydperk 1978–1991
Uitsending
Oorspronklike kanaal CBS
Oorspronklike lopie 2 April 1978 – 3 Mei 1991

Dallas handel oor die wel en wee van die Ewing-familie. Jock Ewing (Jim Davis) en sy vrou (Miss) Ellie Southworth (Barbara Bel Geddes) woon op die Southfork Ranch, 'n beesplaas was vir dekades in die Southworth-familie se besit was. Die gesin bestaan verder uit drie seuns, die egosentriese J.R. (Larry Hagman), die altyd moedige Bobby (Patrick Duffy) en die familie se swartskaap, Gary (Ted Shackelford). Gary was nie deel van die vaste rolverdeling nie, maar kry in 1979 sy eie sepie met die titel Knots Landing. Die rolverdeling van die eerste seisoen bestaan verder uit Bobby se vrou en die dogter van Jock se aartsvyand, Pamela Barnes (Victoria Principal), J.R. se alkoholverslaafde vrou Sue Ellen Shepard (Linda Gray) en Gary se dogter, Lucy Ewing (Charlene Tilton).

Die reeks is in 2012, ná 'n afwesigheid van 20 jaar, weer herleef en is tot 2014 in drie seisoene in Amerika gebeeldsend.[1]

Verwysings wysig

  1. HAT Taal-en-feitegids, Pearson, Desember 2013, ISBN 978-1-77578-243-8

Eksterne skakels wysig