Denkyira
Denkyira was ’n magtige Akanstaat wat van die 1620's op die skiereiland van die Asjantiryk bestaan het, in wat nou Ghana is. Voor 1620 is Denkyira Agona genoem. Die koning van die Denkyira is die Denkyirahene genoem en die hoofstad was Jukwaa. Die eerste Denkyirahene was Mumunumfi.[1]
Later het Denkyira se hoofstad na Abankeseso geskuif.[2] Die hoofstad van die huidige Denkyira-streek is Dunkwa-on-Offin.
Geskiedenis wysig
Denkyira het magtig geword danksy goudvervaardiging en handel met Europa. Hulle het die botoon gevoer in die handel met Europa in die westelike deel van wat nou Ghana is.
Denkyira het sy buurstate van die Akwamu en Akyem oorheers,[3] en die Asjantiryk was skatpligtiges van Denkyira tot in 1701, toe die Asjanti hulle verower het, en Denkyira het daarna ’n skatpligtige staat van die Asjantiryk geword.[4]
In 1874 het Denkyira deel van die Britse Goudkuskolonie geword. Toe die Goudkus in 1957 sy onafhanklikheid van Brittanje kry as Ghana, het Denkyira en die Asjantiryk deel van Ghana geword. Odeefuo Boa Amponsem III was die Denkyirahene tot 2 Desember 2016, toe hy oorlede is.[5]
Verwysings wysig
- ↑ Eisenstadt, Shmuel Noah; Abitbol, Michel; Chazan, Naomi (1988). The Early State in African Perspective: Culture, Power and Division of Labor. Brill Academic Publishers. ISBN 90-04-08355-3.
- ↑ McCaskie, T. C. "Denkyira in the Making of Asante" in Journal of African History Vol 48 (2007) no. 1, p. 1
- ↑ Akan Laws and Customs (in Engels). Taylor & Francis.
- ↑ Dickson, Kwamina B. (1969). A Historical Geography of Ghana (in Engels). CUP Archive. ISBN 9780521071024.
- ↑ Denkyirahene se dood aangekondig
Skakels wysig
- Denkyira Geargiveer 22 September 2020 op Wayback Machine
- Stamme van Ghana
Hierdie artikel is in sy geheel of gedeeltelik uit die Engelse Wikipedia vertaal.
