Detroit-straatbaan
Die Detroit-straatbaan was 'n motorrenbaan in die VSA-deelstaat van Michigan wat Formule Eenwedrenne, en later CART-wedrenne aangebied het tussen die 1982- en 1991-seisoene.
 | |
| Ligging | Detroit, Michigan, VSA |
|---|---|
| Groot byeenkomste | FIA Formule Een CART, Trans-Am |
| 1982 | |
| Lengte | 4.168 km (2.590 mi) |
| Draaie | 24 |
| Rondterekord | 1:50.438 ( Alain Prost, Renault F1, 1982) |
| 1983-1988 | |
| Lengte | 4.023 km (2.499 mi) |
| Draaie | 22 |
| Rondterekord | 1:40.464 ( Ayrton Senna, Lotus-Honda, 1987) |
Die straatbaan was naby die Renaissance Sentrum en die Cobo Arena opgestel, wat ook 'n klein gedeelte van die M-1 snelweg, bekend as Woodwardlaan, ingesluit het. Dit is 'n plat baan, met 'n hoogte van 176 tot 184 meter bo seespieël.
Aard van wedrenne wysig
Die wedrenne wat hier gehou is, het gou 'n reputasie gekry dat dit verskriklik veeleisend en uitdagend was, met die baie hobbelrige baan wat dikwels swaar onder die warm weer opgebreek het. Dit is as die moeilikste wedren vir beide motors en bestuurders in Formule Een gedurende die 1980's beskou - hierdie wedren het dikwels heelwat onttrekkings opgelewer weens meganiese breek of kontak met die betonmure. Veral die motors se remme en ratkaste is tot op breekpunt getoets. Die bestuurders moes meer as 20 keer hard rem en 50 tot 60 keer in elke rondte van ratte verwissel (motors het vyfspoed-handratkaste in daardie dae gehad) - vir 62 rondtes wat elk gewoonlik ongeveer 1 minuut en 45 sekondes geduur het. Ten minste die helfte van die veld het in elke wedren uitgeval. Dit was as 'n prestasie beskou indien 'n bestuurder hierdie ren kon voltooi, sonder om dit selfs te wen.
| Hierdie artikel is in sy geheel of gedeeltelik vanuit die Engelse Wikipedia vertaal. |
