Dhaka

Dhaka (Bengaals: ঢাকা, [ˈɖʱaka]; tot in 1983 Dacca) is die hoofstad en grootse stad van Bangladesj. Die stad het 'n bevolking van 6 970 105 in 2011 gehad en beslaan 'n oppervlakte van 300 km². Dit is in 1608 gestig en net noord van die Ganges se monding in die Golf van Bengale geleë.

Dhaka ঢাকা
Kaart	Wapen
	Vlag
Land	Bangladesj
Divisie	Dhaka
Distrik	Dhaka
Koördinate	23°45′N 90°25′O
Stigting	1608
Stadstatus	1947
Oppervlakte:
- Totaal	300 vk km
Hoogte bo seevlak	4 m
Bevolking:
- Totaal (2011)	6 970 105
- Bevolkingsdigtheid	23 234/vk km
- Metropolitaanse gebied	8 906 000
Tydsone	UTC+06:00
Burgemeester	Annisul Huq Mohammad Sayeed Khokon
Amptelike webwerf

Geskiedenis

Boeddhistiese en Hindoeïstiese koninkryke

Reeds in die 7de eeu was daar 'n nedersetting op die gebied van die huidige Dhaka. Die klein gebied is regeer deur die Boeddhistiese koninkryk Kamarupa en die Pala-ryk voordat die oorheersing in die 9de eeu oorgedra is aan die Hindoeïstiese Sena-dinastie. Die naam is moontlik afgelei van die Dhakeshwari-tempel wat in die 12de eeu deur Ballal Sena gestig is. Die stad self het bestaan uit 'n paar marksentras soos Lakshmi Bazar, Shankhari Bazar, Tanti Bazar, Patuatuli, Kumartuli, Bania Nagar en Goal Nagar. Ná die val van die Sena-ryk is Dhaka agtereenvolgens regeer deur die Sultanaat Bengale, en tussenin onderbreek deur goewerneurs van die Sultanaat Delhi.

Mogolryk

In 1576 het die grootste deel van Bengale onder die beheer van die Mogolryk gekom.

Latere geskiedenis

Van 1608 tot 1704 was dit die hoofstad van Bengale. Voordat die stad in 1765 onder die gesag van die Verenigde Koninkryk was, was Dhaka 'n handelsentrum vir Britte, Franse en Nederlanders. Op 8 Augustus 1874 is die fondamentsteen gelê vir 'n watervoorsieningsnetwerk.

In 1881 het die stad 'n bevolking van 79 076 gehad, byna net soveel Hindoes as Moslems. Destyds was Dhaka die belangrike handelsentrum vir rys uit die delta, vir indigo en hout van Tippera en vir tee van Assam. Tydens die Britse administrasie was die stad die setel van baie amptelike dienste en skole. Die olifantdepot was opvallend. In 1905 het Dhaka die hoofstad van Bengale geword en in 1956 die hoofstad van Oos-Pakistan.

Dhaka het in 1971 die hoofstad van Bangladesj geword toe die land van Pakistan onafhanklik geword het. Tot in 1982 is die naam in die Latynse alfabet as Dacca gespel.

Sport

Dhaka beskik met Bangabandhu Nasionale Stadion en Sher-e-Bangla Nasionale Krieketstadion oor twee toetskrieketstadions. In die stad speel die Bengaalse nasionale krieketspan van sy tuiswedstryde. Die Kampioenetrofee 1998 is geheel en al op die Bangabandhu Nasionale Stadion aangebied en hier is ook die openingsseremonie van die Krieketwêreldbeker 2011 gehou, maar geen wedstryde nie. Sedertdien word dit nie meer vir krieket gebruik nie en is deur die Sher-e-Bangla Nasionale Krieketstadion vervang. Hier is onder andere wedstryde tydens die Krieketwêreldbeker 2011, die T20I-wêreldbeker 2014 en die gelyktydige vrouetoernooi aangebied.

Galery

• 
  Nasionale Vergadering van Bangladesj, Dhaka.
• 
  Nasionale Vergadering van Bangladesj (agteraansig)
• 
  Hatirjheel 2de-brug, Dhaka.
• 
  Crescentmeer – Chandrima Uddan.
• 
  Mausoleum van Ziaur Rahman, Chandrima Uddan.
• 
  Sonsopkoms in Dhaka.
• 
  Hatirjheel
• 
  Shahid Sriti Stombho – Sohrawardy Uddan.

Verdere leeswerk

• Sharuf Uddin Ahmed, red. (1991). Dhaka -past present future. The Asiatic Society, Dhaka. ISBN 984-512-335-X.
• Karim, Abdul (1992). History of Bengal, Mughal Period (I). Rajshahi.{{cite book}}: AS1-onderhoud: plek sonder uitgewer (link)
• Pryer, Jane (2003). Poverty and Vulnerability in Dhaka Slums: The Urban Livelihood Study. Ashgate Publishing. ISBN 0-7546-1864-1. OCLC 123337526 OCLC 243482310 OCLC 50334244 OCLC 50939515.
• Rabbani, Golam (1997). Dhaka, from Mughal outpost to metropolis. University Press, Dhaka. ISBN 984-05-1374-5.
• Sarkar, Sir Jadunath (1948). History of Bengal (II). Dhaka.{{cite book}}: AS1-onderhoud: plek sonder uitgewer (link)
• Taifoor, S.M. (1956). Glimpses of Old Dacca. Dhaka.{{cite book}}: AS1-onderhoud: plek sonder uitgewer (link)

Eksterne skakels

• Wikimedia Commons het meer media in die kategorie Dhaka.