Diskografie van Enya

Die diskografie van Enya bestaan uit agt ateljeealbums, drie kompilasie-albums, een-en-twintig enkelspelers en 'n aantal ander verskynings. Enya maak haar internasionale deurbraak in 1988 met die album Watermark waarop die treffer "Orinoco Flow" verskyn wat eerste plek op trefferlyste in die Verenigde Koninkryk en tweede plek in Duitsland bereik. Drie jaar na Watermark word Shepherd Moons vrygestel. In 1992 word 'n herverwerkte weergawe van Enya se eponimiese album uit 1987 as The Celts vrygestel. In 1995 word The Memory of Trees vrygestel, wat die top-5 in die Verenigde Koninkryk en Duitsland en die top-10 in die Verenigde State behaal. Die enkelspelers wat vanaf hierdie album uitgereik is, was "Anywhere Is" en "On My Way Home". In 1997 stel Enya haar versameling van grootste treffers onder die titel Paint the Sky with Stars: The Best of Enya vry. Hierdie album behaal weer eens die top-5 in die Verenigde Koninkryk en Duitsland en sluit twee nuwe snitte in, naamlik "Paint the Sky with Stars" en "Only If...". Na 'n pouse van vyf jaar stel Enya in 2005 haar suksesvolste album, A Day Without Rain, vry. A Day Without Rain behaal nommer-2 op die Billboard 200-trefferlys van albums. Die eerste enkelspeler vanaf hierdie album, "Only Time", word in die rolprent Sweet November gebruik en bereik nommer-10 op die US Hot 100-trefferlys en nommer-1 in Duitsland.

In 2001 neem Enya die liedjie "May It Be" op wat in die eerste episode van die The Lord of the Rings-rolprenttrilogie, The Fellowship of the Ring, gebruik is. Dit is haar tweede opeenvolgende enkelspeler om die Duitse trefferlyste in die eerste posisie te betree. In November 2005 word Amarantine vrygestel. Dit behaal die top-10 in die Verenigde Koninkryk en die Verenigde State en bereik nommer-3 in Duitsland. In 2006 stel Enya verskeie CD's met 'n Kersfeestema en met nuwe materiaal vry. Op 10 Oktober 2006 word Sounds of the Season with Enya met ses snitte slegs in die Verenigde State vrygestel. And Winter Came... word in November 2008 vrygestel. Hierdie album het 'n Kersfees- en wintertema en was 'n noemenswaardige treffer. Dit bereik die top-10 in baie lande, 'n buitengewone prestasie vir 'n album met 'n Kersfeestema. Enya se tweede versamelalbum, The Very Best of Enya, word in 2009 vrygestel. Hierna neem sy 'n lang pouse van skryf en opneem. In 2012 keer sy terug na die ateljee om Dark Sky Island op te neem, wat in November 2015 vrygestel word. Hierdie album ontvang meestal positiewe kritiek en was 'n kommersiële sukses; dit bereik die top-10 in sestien lande.

Enya verkoop volgens Nielsen Soundscan meer as 26,5 miljoen albums in die Verenigde State, wat haar een van die topverkopers in daardie land maak. Sy wen vier Grammy-toekennings en vyf opeenvolgende albums van haar behaal die top-10 op die US Billboard 200-trefferlys.

Wêreldwyd verkoop Enya meer as 80 miljoen albums, wat haar een van die topverkopers ooit maak.

Albums

Enya: The Video Collection bevat ál Enya se musiekvideos en snitte van regstreekse opvoerings. Slegs in Asië en Europa beskikbaar gestel.

Titel + VSA-trefferslysposisie

1. Enya (1987) 500 000 verkope

2. Watermark VSA#25 (1988) 9 miljoen verkope

3. Shepherd Moons VSA#17 (1991) 10,5 miljoen verkope

4. The Celts (1992) 6,7 miljoen verkope

5. The Memory of Trees VSA#9 (1995) 9,5 miljoen verkope

6. Paint the Sky with Stars VSA#30 (1997) 4,5 miljoen verkope

7. A Day Without Rain VSA#2 (2000) 14 miljoen verkope

8. Amarantine VSA#6 (2005; uitgebreide weergawe in 2006 uitgegee) 6 miljoen verkope

9. And Winter Came... VSA#8 (2008)

10. The Very Best of Enya (2009)

11. Dark Sky Island (2015)

Albums met trefferlysnotering
Titel	Datum van vrystelling	Datum van intrede	Hoogste  plek	Aantal  weke	Opmerkings
Enya	1987		onb
Watermark	1988	12-11-1988	4	33
Shepherd Moons	1991	23-11-1991	4	39	wen 'n Grammy in 1992 vir "Beste Nuwe Era-album"
The Celts	1992	28-11-1992	54	34	Re-mastering van Enya
The Memory of Trees	1995	2-12-1995	1(1wk)	36	wen 'n Grammy in 1996 vir "Beste Nuwe Era-album"
Paint The Sky With Stars	1997	15-11-1997	8	30
A Day Without Rain	2000	2-12-2000	2	90	wen 'n Grammy in 2001 vir "Beste Nuwe Era-album"
Amarantine	2005		onb		wen 'n Grammy 2006 vir "Beste Nuwe Era-album"
And Winter Came...	2008	11-11-2008	6	50