Dodeakker van Giza
Die Dodeakker van Giza (Arabies: أهرامات الجيزة) is ’n argeologiese terrein aan die Nylrivier sowat 9 km van Giza en 25 km suidwes van Kaïro, Egipte. Die kompleks van antieke monumente sluit in die drie piramides bekend as die Groot Piramides, die enorme beeldhouwerk bekend as die Groot Sfinks, verskeie begraafplase, ’n werkersdorp en ’n nywerheidskompleks.
| Dodeakker van Giza | ||
| ||
| Die ses piramides in die Dodeakker van Giza. | ||
| Koördinate | 29°58′34″N 31°7′58″O / 29.97611°N 31.13278°OKoördinate: 29°58′34″N 31°7′58″O / 29.97611°N 31.13278°O | |
| Plaaslike naam | أهرامات الجيزة | |
| Land |  Egipte
| |
| Soort | Dodeakker | |
| Geskiedenis | ||
| Tydperk | Vroegdinastiese Tydperk tot Laat Tydperk | |
| Unesco-wêrelderfenisgebied | ||
| Tipe | Kultureel | |
| Kriteria | i, iii, vi | |
| Verwysing | 86 | |
| Streek† | Arabiese State | |
| Beskrywing* | Memphis and its Necropolis – the Pyramid Fields from Giza to Dahshur | |
| † Streek soos deur Unesco geklassifiseer. * Naam soos op die Wêrelderfenislys | ||
Die piramides het tydens die Hellenistiese tydperk beroemd geword nadat Antipater van Sidon dit gelys het as een van die sewe wonders van die antieke wêreld. Dit is die oudste van dié wonders en die enigste een wat nog bestaan.
Die piramides en die sfinks wysig
Die Piramides van Giza bestaan uit die Groot Piramide van Giza (ook bekend as die piramide van Cheops), die ietwat kleiner piramide van Chafra en die nog kleiner piramide van Menkaoere. Die Groot Sfinks is oos van die kompleks geleë. Egiptoloë stem saam dat die Groot Sfinks se kop dié van Chafra is. Tussen dié piramides is drie kleiner piramides, bekend as koninginpiramides.[1]
Begraafplase wysig
Terwyl die piramides gebou is, is die mastabas van adellikes om hulle opgerig. Die hoofbegraafplaas, naby die piramide van Cheops, is beplan met strate en lane.[2] Begraafplaas G 7000 was een van die eerstes en bevat die grafkelders van vroue, seuns en dogters van die farao's van die 4de Dinastie. Aan die ander kant van die piramide is die grafte van die seuns van Wepemnofret and Hemioenoe. Tydens die 5de en 6de Dinastie is die begraafplase verder uitgebrei.[3]
Nuwe Ryk wysig
Tydens die Nuwe Ryk was Giza nog ’n aktiewe terrein. ’n Steenkapel is naby die Sfinks opgerig tydens die 18de Dinastie, waarskynlik deur Toetmoses I. Amenhotep II het ’n tempel naby die Sfinks gebou wat aan Haoeron-Haremachet gewy was. Toetmoses IV het die piramides en die Sfinks as ’n prins besoek en is glo in ’n droom vertel om die Sfinks uit die sand te grawe. Hy het van dié voorval vertel in sy Droomstele. Toetmoses IV en sy koningin het ook steles by Giza laat oprig. Toetankamen het ’n gebou laat bou wat nou bekend is as die koning se rushuis.
Tydens die 19de Dinastie het Seti I laat aanbou aan die tempel van Haoeron-Haremachet, en sy seun Ramses II het ’n stele in die kapel voor die Sfinks laat oprig en het die rushuis van Toetankamen oorgeneem.[3]
Verwysings wysig
- ↑ Verner, Miroslav. The Pyramids: The Mystery, Culture, and Science of Egypt's Great Monuments. Grove Press. 2001 (1997). ISBN 0-8021-3935-3
- ↑ Lehner, Dr. Mark, "The Complete Pyramids", Thames & Hudson, 1997. ISBN 0-500-05084-8.
- ↑ 3,0 3,1 Porter, Bertha and Moss, Rosalind, Topographical Bibliography of Ancient Egyptian Hieroglyphic Texts, Statues, Reliefs and Paintings Volume III: Memphis, Part I Abu Rawash to Abusir. 2de uitg. URL besoek by gizapyramids.org Geargiveer 11 Oktober 2008 op Wayback Machine
Eksterne skakels wysig
- Piramides in Giza Geargiveer 2 September 2006 op Wayback Machine Foto's van die piramides
- 3D-toer Geargiveer 28 Julie 2011 op Wayback Machine
- Gizapyramids.org
Wikimedia Commons het meer media in die kategorie Dodeakker van Giza.
Hierdie artikel is vertaal uit die Engelse Wikipedia
