Draakasemgat (Drachenhauchloch) is 'n grot geleë op die plaas Hariseb in die Otaviberge, wes van die pad tussen Grootfontein en Tsumeb, 46 km noordwes van Grootfontein en noordwes van die Hoba-meteoriet in die Otjozondjoepa-streek van Namibië. Dit was in 1986 ontdek, en is vernoem na die klam lug wat by sy ingang opkom.[1]

'n Skets van Draakasemgat in 1986.

Onder in die grot bekend is die grootste bekende onderaardse meer in die wêreld.

Die oppervlakte van die meer is 2,61 ha en is sowat 80 m onder die oppervlakte van die aarde. 'n Presiese diepte van die meer is nog nie vasgestel nie, maar dit word op minstens 100 m geskat. Die damp wat uit die bek van die grot opstyg, is 'n aanduiding van die natuurwonder in die plat doringveld en het die naam aan die grot gegee. In 1986 het lede van die Transvaalse afdeling van die Suid-Afrikaanse Speleologiese Vereniging die meer ontdek.

Alhoewel daar gerapporteer is dat die skaars visspesies, Clarias cavernicola, in die meer in Draakasemgat woon, is dit inkorrek. Dit is slegs gevind in die nabygeleë Aigamasgrot.[2]

Lees ook wysig

Verwysings wysig

  1. Kelly, Daniel (24 Januarie 2014). "Dragon's Breath Cave Holds the World's Largest Underground Lake". Lake Scientist. Geargiveer vanaf die oorspronklike op 1 Maart 2015. Besoek op 31 Mei 2016.
  2. Proudlove, G.H. (2018–2019). "Clarias cavernicola". cavefishes.org.uk. Besoek op 28 Oktober 2019.

Bronne wysig

  • Rudd, Sandy en John Gibbs: Dragon's breath adventure: a Namibian story. Windhoek: New Namibia Books, 2000. ISBN 978-99916-31-06-6
  • www.lochstein.de
  • www.verticaltrip.it

Eksterne skakels wysig

Koördinate: 19°28′05″S 17°47′08″O / 19.46806°S 17.78556°O / -19.46806; 17.78556