Driekloofdam

Moet nie verwar word met Drieklowedam in China nie.

Die Driekloofdam is geleë in 'n tak van die Sterkfonteindam. Dus vorm dit ook deel van die Drakensberg-pompopgaarskema van die Tugela-Vaal-waterprojek.

Driekloofdam
Driekloofdam, wat dieselfde stoorplek (in die agtergrond) van die Starkfonteindamdam skei
Amptelike naam	Driekloofdam
Ligging	naby Harrismith
Provinsie/Land	Vrystaat, Suid-Afrika
Koördinate	28°31′58.5″S 29°4′5.9″O
Dam in	Nuwejaarspruit
Doel	Industrieel
Eienaar	Departement van Waterwese/Eskom
Soort dam	Grondvulling
Hoogte van wal	47 m
Lengte van wal	500 m
Reservoir	Driekloofdam
Aktiewe kapasiteit	35,6 miljoen m³
Damoppervlak	151 ha²

Die dam lê in die Nuwejaarspruit suid van Harrismith by die koordinate 28° 31′ 58.5″ suid en 29° 4′ 5.9″ oos en is in 1979 voltooi.

Dit het 'n opvanggebied van 151 ha, 'n wal van 500 m lank en 47 m hoog en 'n bakmaat van 35,6 miljoen m³. 'n Sagte sandsteen is vir die bou van die wal gebruik en 'n bufferblokoorloop is in die middel oor die wal geplaas. As die Sterkfonteindam vol is, is die wal van die Driefonteindam gedeeltelik onder die water.

Tydens periodes van hoë elektrisiteitsverbruik in die land word water uit die Driekloofdam vrygelaat. Dit vloei dan deur pompe en turbines na die Kilburndam en wek in die proses elektrisiteit op. In tye van lae elektrisiteitsverbruik word elektrisiteit van die nasionale kragnetwerk gebruik om dieselfde water weer terug na die Driekloofdam op die platorand te pomp.

Dit is dus 'n dam binne 'n dam en is soms heeltemal oorstroom.

Sien ook

• Lys van grootste damme in Suid-Afrika

Bronne

• Wêreldspektrum, 1982, ISBN 0908409680, volume 27, bl. 166