Dubbele waterboeglynknoop
Die dubbele waterboeglynknoop is 'n lus wat baie soortgelyk is aan die dubbele boeglynknoop, maar effens sterker.
Eienskappe wysig
Hierdie is 'n baie sterk, veilige knoop, wat nie maklik losgaan wanneer dit gebruik word nie, maar het die voordeel dat dit maklik na gebruik losgemaak kan word. Hierdie knoop is maklik om te knoop, en die lus verskuif nie onder las nie.
Gebruike wysig
Aangesien hierdie knoop baie veilig is, en maklik losgemaak kan word, is dit baie gewild onder bergklimmers. Alhoewel die syfer 8-knoop effens sterker is, verkies baie bergklimmers hierdie knoop aangesien dit steeds baie veilig is, en maklik losgemaak kan word nadat dit 'n las gedra het, sodat die tou weer gebruik kan word.
Aangesien hierdie knoop se lus nie onder las skuif nie, en vinnig en maklik geknoop kan word, is dit 'n goeie knoop vir reddingswerk. Voorbeelde hiervan is vir 'n tou rondom 'n persoon se lyf (onder die arms) wanneer hy opgehys moet word, of nadat iemand oorboord geval het.
Dit is ook 'n baie handige knoop vir alledaagse gebruik.
Metode van knoop wysig
A. Maak twee lusse in die tou.
B. Plaas die boonste lus bo-oor die onderste lus.
C. Ryg die kort punt van die tou deur die twee lusse.
D. Trek die kort punt agter om die lang kant van die tou.
E. Ryg die kort punt van die tou weer deur die twee lusse.
F. Trek die lang kant van die tou en die lus om die knoop styf te trek.
- Let wel: Maak seker dat die lus die verlangde grootte is voor dit styfgetrek word, aangesien die lus nie verstel kan word sonder om die knoop los te maak nie.
