Egbert van Wessex

Egbert (ca. 770839)[1] was koning van Wessex (802-839) en van Kent, Essex, Sussex (825-839) en Mercia (829-839). Ná die val van Mercia onder Offa het hy die titel "Bretwalda" gekry, waarmee die Angelsaksers ’n heerser aangedui het wat mag oor ander heersers gehad het. Hy word beskou as die eerste koning van Engeland.

Egbert
Koning van Engeland
Die eerste koning van Engeland.
Die eerste koning van Engeland.
Huis Wessex
Regeer 802839
Opvolger Ethelwulf
Eggenote Redburga
Kinders Ethelwulf
Edith van Polesworth
Gebore 770
Oorlede 839
Vader Ealhmund

As koning van Wessex was hy die opvolger van Beorhtric. As "Bretwalda" het hy Offa opgevolg. Oor Egbert se lewe en regering is min met sekerheid bekend. Sy pa was Ealhmund, koning van Kent.[1] Egbert het ’n halfsuster, Alburga van Wilton, gehad.

In 815 het hy Cornwallis, ’n gebied wat aan Wallis behoort het, verower. Hy het ook Beornwulf van Mercia in 825 verslaan. Ná hierdie oorwinning het Kent, Surrey, Sussex en Essex hulle aan sy gesag onderwerp. Ook Oos-Anglië het hom as heerser erken. In 829 het hy Mercia verower en het ook Northumbrië sy gesag aanvaar.

Egbert het getrou met Redburga, ’n Frankiese prinses (moontlik ’n suster van keiser Karel die Grote). Hulle het twee seuns en ’n dogter, die heilige Edith van Polesworth, gehad.

Egbert is in 839 op sowat 64[1] in Westminster dood en is opgevolg deur sy seun Ethelwulf.

Verwysings wysig

Hierdie artikel is merendeels vertaal vanaf die Nederlandse Wikipedia-artikel nl:Egbert van Wessex
  1. 1,0 1,1 1,2 "thePeerage.com – Æthelbald, King of Wessex and others". Besoek op 24 Oktober 2007.