Ekonomiese streek Wolga

Die ekonomiese streek Wolga (Russies: Пово́лжский экономи́ческий райо́н, Powolzjski ekonomitsjeski rajon) is een van 12 ekonomiese streke van Rusland. Masjienbou is die belangrikste ekonomiese sektor. Dit bestaan uit die motor- en lugvaartnywerheid, die vervaardiging van gereedskap, landbouwerktuie ens. Ander belangrike sektore is die petrochemiese en chemiese nywerheid, wat spesialiseer in die vervaardiging van bande, rubberdele, vesels en ander produkte. Dit hou nou verband met die olie- en gasnywerheid.

Die ekonomiese streek Wolga in Rusland.

Daar is ’n paar groot waterkragsentrales, die kernkragsentrale Balakowo en termiese sentrales.

Die streek is 536 400 km2 groot en die bevolking is 16,5 miljoen volgens die 2002-sensus.Sowat 73 persent van die mense woon in die stede. Die gemiddelde bevolkingsdigtheid is 31/km2.

Deelgebiede wysig

Die volgende deelgebiede val in die streek:

  1.   Astrachan-oblast
  2.   Kalmikië
  3.   Oeljanofsk-oblast
  4.   Penza-oblast
  5.   Samara-oblast
  6.   Saratof-oblast
  7.   Tatarstan
  8.   Wolgograd-oblast

Verwysings wysig