Ellef-Ringnes-eiland

Ellef-Ringnes-eiland (Engels: Ellef Ringnes Island), die wêreld se 68ste grootste eiland en die 16de grootste eiland van Kanada, beslaan 'n oppervlakte van 11 295 km². Die eiland is in die noorde van Kanada in die Arktiese Oseaan geleë en maak deel uit van die gebied Nunavut. Ellef-Ringnes-eiland behoort tot die Koningin-Elizabeth-eilande, 'n subgroep van die Kanadese Arktiese Argipel, met Borden-eiland in die weste en Amund-Ringnes-eiland in die ooste. Die eiland is in 1901 deur Gunnerius Ingvald Isachsen en Sverre Hassel, twee lede van die deur Otto Sverdrup aangevoerde tweede Fram-ekspedisie (1898–1902), ontdek. Sverdrup het die eiland na Ellef Ringnes, die medestigter van die Noorse brouery Ringnes, wat Sverdrups se ekspedisie finansieel ondersteun het, genoem. Soos al die Svendrup-eilande is Ellef-Ringnes-eiland deur Svendrup vir Noorweë geëis. Dit het egter met Kanada se siening gebots, waarvolgens al die eilande in die noorde van Noord-Amerika aan Kanada behoort. Die onderhandelinge het in 1930 geëindig. Sedertdien het dit aan die Noordwestelike gebiede behoort. Toe op 1 April 1999 die nuwe gebied Nunavut van die Noordwestelike gebiede afgestig is het Ellef-Ringnes-eiland onder administrasie van die nuwe gebied gekom.

Ellef-Ringnes-eiland
Inheemse naam: Ellef Ringnes Island
Nasa-Satellietbeeld van die Ellef-Ringnes-eiland
Nasa-Satellietbeeld van die Ellef-Ringnes-eiland
Geografie

Ligging Noord-Kanada, Arktiese Oseaan
Koördinate 78°37′N 101°56′W / 78.617°N 101.933°W / 78.617; -101.933Koördinate: 78°37′N 101°56′W / 78.617°N 101.933°W / 78.617; -101.933
Argipel Koningin-Elizabeth-eilande (Kanadese Arktiese Argipel)

Oppervlakte 11 295 vk km
Hoogste punt Isachsen Dome 260 m
Administrasie
Vlag van Kanada Kanada
Gebied Nunavut

Demografie
Bevolking 0

Die wêreld se 68ste grootste eiland en die 16de grootste eiland van Kanada
Ligging van die Ellef-Ringnes-eiland
Kaart van die Ellef-Ringnes-eiland

Eksterne skakels wysig

  •   Wikimedia Commons het meer media in die kategorie Ellef-Ringnes-eiland.
  • (en) "Ellef Ringnes Island". The Canadian Encyclopedia. Besoek op 10 Mei 2020.