Enterobacteriaceae

Vrywaring: Die mediese inligting verskaf op Wikipedia dien slegs as 'n riglyn en dra geen waarborg van feitelike korrektheid nie.
Enige vrae of klagtes oor u persoonlike gesondheid behoort na 'n dokter verwys te word.

Enterobacteriaceae is 'n groot familie van Gram-negatiewe bakterieë.[Nota 1] Dit is die eerste keer in 1936 deur Rahn voorgestel, en sluit nou meer as 30 genera en meer as 100 spesies in.[2][3] Enterobacteriaceae sluit baie van die meer bekende patogene in, soos Salmonella, Escherichia coli, Klebsiella en Shigella. Ander siekteveroorsakende bakterieë in hierdie familie sluit Enterobacter en Citrobacter in. Lede van die Enterobacteriaceae kan na verwys word as "enterobakterieë" of "enteriese bakterieë" aangesien verskeie lede in die ingewande van diere woon.

Enterobacteriaceae
Citrobacter freundii, een lid van die familie
Wetenskaplike klassifikasie e
Domein: Bakterieë
Filum: Proteobacteria
Klas: Gammaproteobacteria
Orde: Enterobacterales
Familie: Enterobacteriaceae
Rahn, 1937
Genera[1]

verskeie

Moet nie met ingewande bakterieë verwar word nie.

Morfologie wysig

Lede van die Enterobacteriaceae is staafvormig en is tipies 1–5 μm lank. Hulle verskyn tipies as grys, medium- tot grootkolonies op bloedagar, hoewel sommige kleurpigmente kan uitdruk. Die meeste het baie flagella[Nota 2] wat gebruik word om rond te beweeg, maar 'n paar genera beweeg nie. Die meeste lede van Enterobacteriaceae het flagella wat in alle rigtings projekteer wat help om die bakteriese selle aan hul gashere te laat klou. Hulle is nie spoorvormend nie.[4]

Metabolisme wysig

Soos ander proteobakterieë, het Enterobactericeae Gram-negatiewe vlekke,[5] en hulle is anaërobe. Hulle fermenteer suikers om melksuur en verskeie ander eindprodukte te produseer. Die meeste reduseer ook nitraat tot nitriet, hoewel uitsonderings bestaan. Anders as die meeste soortgelyke bakterieë, het Enterobacteriaceae oor die algemeen nie die ensiem sitochroom c-oksidase[Nota 3] nie, alhoewel daar uitsonderings is.

Ekologie wysig

Baie lede van hierdie familie is normale lede van die dermmikrobiota by mense en ander diere,[6] terwyl ander in water of grond gevind word, of parasiete op 'n verskeidenheid verskillende diere en plante is.[7][8]

Antibiotiese weerstand wysig

Enterobacteriaceae word gewoonlik met antibiotika, soos bv. Polimiksien, behandel maar verskeie Enterobacteriaceae-stamme is geïsoleer wat bestand is teen antibiotika, insluitend karbapenems,[Nota 4] wat dikwels beskou word as "die laaste lyn van antibiotiese verdediging" teen weerstandbiedende organismes. Sommige Klebsiella pneumoniae-stamme is byvoorbeeld karbapenembestand.[9] Verskeie karbapenemases-gene is geïdentifiseer in karbapenem-weerstandige Enterobacteriaceae, insluitend Escherichia coli en Klebsiella pneumoniae.[10]

Aantekeninge wysig

  1. Gram-negatiewe bakterieë is bakterieë wat nie die kristalvioletkleur behou wat in die Gramkleuringsmetode van bakteriese identifikasie gebruik word nie.
  2. Flagella is haaragtige aanhangsel wat uit sekere plant- en soogdierspermselle en uit 'n wye reeks mikroörganismes uitsteek om beweeglikheid te verskaf.
  3. Sitochroom c-oksidase is 'n ensiem wat in bakterieë, archaea en mitochondria van eukariote voorkom. Dit is betrokke by energieproduksie wat dan gebruik word om adenosientrifosfaat (ATP) te sintetiseer.
  4. Karbapenems is 'n klas hoogs effektiewe antibiotika wat algemeen gebruik word vir die behandeling van ernstige of hoë-risiko bakteriële infeksies, soos bv. multi-middel weerstandbiedende infeksies.

Verwysings wysig

  1. "List of genera included in families - Enterobacteriaceae". List of Prokaryotic Names with Standing in Nomenclature. Besoek op 26 Junie 2016.
  2. Don J. Brenner; Noel R. Krieg; James T. Staley (26 Julie 2005) [1984 (Williams & Wilkins)]. George M. Garrity (red.). The Gammaproteobacteria. Bergey's Manual of Systematic Bacteriology (in Engels). Vol. 2B (2de uitg.). New York: Springer. p. 1108. ISBN 978-0-387-24144-9. Britse Biblioteek no. GBA561951.
  3. Adeolu, M; Alnajar, S; Naushad, S; Gupta, RS (Desember 2016). "Genome-based phylogeny and taxonomy of the 'Enterobacteriales': proposal for Enterobacterales ord. nov. divided into the families Enterobacteriaceae, Erwiniaceae fam. nov., Pectobacteriaceae fam. nov., Yersiniaceae fam. nov., Hafniaceae fam. nov., Morganellaceae fam. nov., and Budviciaceae fam. nov". International Journal of Systematic and Evolutionary Microbiology (in Engels). 66 (12): 5575–5599. doi:10.1099/ijsem.0.001485. PMID 27620848.
  4. Edwards, P.R.; Ewing, W.H. (1972). Identification of Enterobacteriaceae (in Engels). Burgess Publishing Company. ISBN 978-0-8087-0516-1.
  5. "Dorlands Medical Dictionary: Enterobacteriaceae". Merck Source (in Engels). National Library of Medicine. Geargiveer vanaf die oorspronklike op 28 Augustus 2009. Besoek op 6 April 2022.
  6. Ferreira da Silva, Miguel; Vaz-Moreira, Ivone; Gonzalez-Pajuelo, Maria; Nunes, Olga C.; Manaia, Célia M. (2007). "Antimicrobial resistance patterns in Enterobacteriaceae isolated from an urban wastewater treatment plant". FEMS Microbiology Ecology (in Engels). Oxford University Press (OUP). 60 (1): 166–176. doi:10.1111/j.1574-6941.2006.00268.x. ISSN 0168-6496.
  7. Kleeberger, A.; Braatz, R.; Busse, M. (1980). "Zur Taxonomie und Okologie der Enterobakterien in Milch" [Taksonomie en ekologie van Enterobacteriaceae in melk.]. Milchwissenschaft (in Duits). 35 (8): 457–460.
  8. Wang, Zhiying; Hu, Huifeng; Zhu, Tongbo; Zheng, Jinshui; Gänzle, Michael G.; Simpson, David J. (31 Augustus 2021). Rodríguez-Verdugo, Alejandra (red.). "Ecology and Function of the Transmissible Locus of Stress Tolerance in Escherichia coli and Plant-Associated Enterobacteriaceae". mSystems (in Engels). American Society for Microbiology. 6 (4). doi:10.1128/msystems.00378-21. ISSN 2379-5077.
  9. "Klebsiella pneumoniae in Healthcare Settings - HAI". CDC (in Engels). 17 Mei 2019. Besoek op 6 April 2022. Klebsiella-bakterieë het toenemend antimikrobiese weerstand ontwikkel, mees onlangs teen die klas antibiotika bekend as karbapenems.
  10. Ghaith, Doaa M.; Mohamed, Zeinat K.; Farahat, Mohamed G.; Aboulkasem Shahin, Walaa; Mohamed, Hadeel O. (Maart 2019). "Colonization of intestinal microbiota with carbapenemase-producing Enterobacteriaceae in paediatric intensive care units in Cairo, Egypt". Arab Journal of Gastroenterology (in Engels). 20 (1): 19–22. doi:10.1016/j.ajg.2019.01.002. PMID 30733176. S2CID 73444389.