Ewe (taal)
Ewe (Èʋe of Èʋegbe, [èβeɡ͡be], ) is 'n Niger-Kongo-taal in Wes-Afrika wat deur sowat 3,8 miljoen mense gepraat word. Dit word deur die Ewe-volk gepraat en is veral in die suide van die lande Ghana, Togo en Benin versprei.
| Ewe Èʋe, Èʋegbe | ||
|---|---|---|
| Uitspraak: | [èβeɡ͡be] | |
| Gepraat in: |  Benin Ghana Togo
| |
| Gebied: | Wes-Afrika | |
| Totale sprekers: | 4,7 miljoen[1] | |
| Taalfamilie: | Niger-Kongo Volta-Kongo Volta-Niger Left Bank Gbe Ewe | |
| Skrifstelsel: | Latynse alfabet | |
| Taalkodes | ||
| ISO 639-1: | ee | |
| ISO 639-2: | ewe | |
| ISO 639-3: | onderskeidelik:ewe – Ewewci – Wacikef – Kpesi
| |
| Nota: Hierdie bladsy kan IFA fonetiese simbole in Unicode bevat. | ||
Ewe behoort tot 'n groep van verwante tale, die Gbe-tale, wat in die weste deur die Voltarivier begrens word en oor die suide van die lande Ghana, Togo, Benin en Nigerië langs die kus van die Bog van Benin streek. Hierdie Gbe-tale vorm 'n dialekkontinuum bestaande uit Aja, Ewe, Fon, Gen en Phla-Pherá.
Ewe is nes baie Afrikatale tonaal met 'n onderwerp-werkwoord-voorwerp-volgorde. Tydens die Duitse koloniale tydperk is 'n skrifstelsel vir Ewe ingevoer, gebaseer op die Latynse alfabet met bykomende letters. Die bekendste woord is waarskynlik vodun [vodṹ] wat in Ewe en Fon "gees" of "godheid" beteken. Ewe vorm saam met ander tale die grondslag waaruit Haïtiaanse Kreools ontwikkel het.[2]
Ortografie wysig
Die Afrika-alfabet word gebruik wanner Ewe ortografies daargestel word en die skriftelike weergawe is 'n soort kombinasie van die Latynse alfabet met die Internasionale Fonetiese Alfabet.[3]
| A a | B b | D d | Ɖ ɖ | Dz dz | E e | Ɛ ɛ | F f | Ƒ ƒ | G g | Gb gb | Ɣ ɣ |
|---|---|---|---|---|---|---|---|---|---|---|---|
| [a] | [b] | [d] | [ɖ] | [d͡z] | [e], [ə] | [ɛ] | [f] | [ɸ] | [ɡ] | [ɡ͡b] | [ɣ] |
| H h | I i | K k | Kp kp | L l | M m | N n | Ny ny | Ŋ ŋ | O o | Ɔ ɔ | P p |
| [h] | [i] | [k] | [k͡p] | [l] | [m] | [n] | [ɲ] | [ŋ] | [o] | [ɔ] | [p] |
| R r | S s | T t | Ts ts | U u | V v | Ʋ ʋ | W w | X x | Y y | Z z | |
| [l] | [s] | [t] | [t͡s] | [u] | [v] | [β] | [w] | [x] | [j] | [z] | |
'n "n" word dikwels na vokale geplaas om nasalisering te merk. Toon word algemeen nie gemarkeer nie, behalwe in sommige algemene gevalle wat vereenvoudiging vereis, byvoorbeeld die eerste persoon meervoud mí "ons" is hoog gemerk om dit van die tweede persoon meervoud mi "julle" te onderskei en die tweede persoon enkelvoud wò "jy" is laag gemerk om dit van die derde persoon meervoud wó "hulle" te onderskei.
- ekpɔ wò [ɛ́k͡pɔ̀ wɔ̀] — "Hy het jou gesien"
- ekpɔ wo [ɛ́k͡pɔ̀ wɔ́] — "Hy het hulle gesien"
Verwysings wysig
- ↑ "Ethnologue: Languages of the World, Seventeenth edition, Éwé" (in Engels). Ethnologue. Geargiveer vanaf die oorspronklike op 14 April 2020. Besoek op 10 Augustus 2019.
- ↑ (en) Bonenfant, Jacques L. (2011). "History of Haitian-Creole: From Pidgin to Lingua Franca and English Influence on the Language" (PDF). Review of Higher Education and Self-Learning. 3 (11). Geargiveer (PDF) vanaf die oorspronklike op 23 Maart 2015. Besoek op 10 Augustus 2019.
{{cite journal}}: Onbekende parameter|deadurl=geïgnoreer (hulp) - ↑ (en) Jim-Fugar, Nicholine; Jim-Fugar, M.K.N (2017). Nuseline's Ewe-English Dictionary. p. 5. ISBN 1-5210-4018-4.
Eksterne skakels wysig
Wikimedia Commons het meer media in die kategorie Ewe (taal).- (en) "Ewe (Eʋegbe)". Omniglot. Besoek op 10 Augustus 2019.
