Fonteinedal
Die Fonteinedal is 'n ontspanningsoord in die suide van Pretoria wat deur President Paul Kruger as 'n natuurreservaat geproklameer is op 1 Februarie 1895 - dit is die oudste natuurreservaat op die Afrika-kontinent.[1]
Die Apiesrivier vloei deur die oord, en daar is twee natuurlike waterbronne in die gebied. Die oord beskik oor verskeie ontspanningsgeriewe, soos 'n karavaanpark, swembad, lapas, speelpark en braaigeriewe.
Die geskiedkundige ruïnes van Lucas Cornelius Bronkhorst (1795-1875) se huis is op die oord geleë. Die Bronkhorst-familie was deel van Hendrik Potgieter se trekgeselskap gedurende die Groot Trek, en was die eerste eienaars van die plase in die distrik waar Pretoria later gestig is.[2]
Waterbron wysig
Die fonteine by Fonteinedal was oorspronklik die enigste bron van water vir die inwoners van Pretoria. Die eerste waterskema is in 1890 voltooi en het bestaan uit 'n waterleiding met 'n deursnee van 12 duim (300 mm), wat vanaf Fonteinedal na die dorp aangelê is, en 'n gietysterpypnetwerk wat Pretoria Sentraal en Trevenna bedien het.[3]
Verwysings wysig
- ↑ "Fountains Recreation Resort" (in Engels). www.tshwane.gov.za. Geargiveer vanaf die oorspronklike op 1 Februarie 2015. Besoek op 21 Junie 2014.
- ↑ "Community histories of Pretoria" (in Engels). www.sahistory.org.za. Geargiveer vanaf die oorspronklike op 28 Julie 2017. Besoek op 21 Junie 2014.
- ↑ "South Africa's Water History: 19 th Century" (in Engels). eWISA. Geargiveer vanaf die oorspronklike op 17 Augustus 2017. Besoek op 26 Mei 2017.
