Fouriesburg
Fouriesburg is 'n dorp in die Oos-Vrystaat, Suid-Afrika. Die dorp word in die ooste deur die Rooiberge en in die weste deur die Witteberge begrens.
Fouriesburg (Mashaeng bygereken) | |
|---|---|
 Die Nederduitse Gereformeerde Kerk van Fouriesburg. | |
  Fouriesburg Fouriesburg se ligging in Vrystaat | |
| Koördinate: 28°37′22″S 28°12′39″O / 28.62278°S 28.21083°OKoördinate: 28°37′22″S 28°12′39″O / 28.62278°S 28.21083°O | |
| Land |  Suid-Afrika |
| Provinsie | Vrystaat |
| Distrik | Thabo Mofutsanyane |
| Munisipaliteit | Dihlabeng |
| Stigting | 1892[1] |
| Oppervlak | |
| • Totaal | 12,8 km2 (4,9 vk. myl) |
| Bevolking (2011)[2] | |
| • Totaal | 12 974 |
| • Digtheid | 1 014/km2 (2 630/vk. myl) |
| Rasverdeling (2011) | |
| • Wit mense | 2.5% |
| • Indiërs/Asiërs | 0.6% |
| • Bruin mense | 0.3% |
| • Swart mense | 96.5% |
| • Ander | 0.2% |
| Taal (2011) | |
| • Sotho | 90.7% |
| • Afrikaans | 3.2% |
| • Engels | 2.0% |
| • Gebaretaal | 1.6% |
| • Ander | 2.6% |
| Poskode (strate) | 9725 |
| Poskode (posbusse) | 9725 |
| Skakelkode | 058 |
Geskiedenis wysig
Die dorp is gestig in 1892 op die plaas Groenfontein en vernoem na Christoffel Fourie. Vir 'n paar maande was die dorp ook die setel (die laaste van die oorlog) van die regering van die Oranje-Vrystaat tydens die Tweede Vryheidsoorlog. Fouriesburg is bekend vir gevegte tydens die Tweede Vryheidsoorlog. Ongeveer 4000 Boeresoldate onder leiding van Marthinus Prinsloo het by Surrender Hill aan die Britse soldate oorgegee.
Die huis waarin president MT Steyn gewoon het, staan nog op die hoek van Reitz- en Robertsonstraat.
Distrik en grenspos wysig
Die distrik is 1 155 km2 groot. Gemengde boerdery (koring, mielies en beeste) word beoefen. Die dorp is ook 'n belangrike basis vir handel met Lesotho aangesien die grens slegs 10 km ver is. Die grenspos staan bekend as Caledonspoort. Visierskerf is 'n bekende berg naby Fouriesburg.
Sien ook wysig
Verwysings wysig
- ↑ "Chronological order of town establishment in South Africa based on Floyd (1960:20-26)" (PDF) (in Engels). pp. xlv–lii. Geargiveer (PDF) vanaf die oorspronklike op 13 Julie 2019. Besoek op 12 Mei 2018.
- ↑ 2,0 2,1 2,2 2,3 Som van die Hoofplekke Mashaeng en Fouriesburg tydens Sensus 2011.