Fraates III van Partië

Fraates III (Parties: 𐭐𐭓𐭇𐭕, Frahāt), was van 69 tot 57 v.C. die Arsakidiese koning van konings van die Partiese Ryk. Hy was die seun en opvolger van Sinatrukes.[1]

Fraates III
𐭐𐭓𐭇𐭕
Koning van konings, arsakes, groot koning
Fraates III se portret op 'n muntstuk. Hy het 'n baard en dra 'n kopband. Gemunt omstreeks 62 n.C. by Ekbatana.
Koning van die Partiese Ryk
Heerskappy69-57 v.C.
VoorgangerSinatrukes
OpvolgerMitridates IV
Oorlede57 v.C.
DinastieArsakiede
VaderSinatrukes
ReligieZoroastrisme

Toe Fraates III die troon bestyg, kon sy ryk nie meer as die oorheersende mag in die Nabye Ooste beskou word nie vanweë die opkoms van die Koninkryk Armenië onder Tigranes die Grote, of Ouere, en die Koninkryk Pontus onder sy bondgenoot Mitridates VI Eupator.[2] Fraates III se bewind word dus gekenmerk seur sy pogings om sy ryk te herstel tot sy vorige posisie.

Wes van sy ryk was die gebied in 'n oorlog betrokke. Tigranes en Mitridates VI het 'n beroep op hom gedoen om saam met hulle teen die Romeinse Republiek te veg; die Romeine het hom weer probeer oorreed om aan hulle kant te veg. Fraates het oënskynlik beloftes aan albei kante gedoen, maar passief gebly. Hy het gewag vir die uitslag van die oorlog sodat hy dit vir die Parters kon uitbuit.

Tigranes die Jongere, seun van Tgranes die Ouere en skoonseun van Fraates III, het in 65 v.C. saam met Fraates teen sy pa geveg, maar is eindelik deur sy pa verslaan; hy het Fraates verlaat en by die Romeinse bevelvoerder Pompeius aangesluit.

Begin 64 v.C., terwyl Pompeius op sy ekspedisie teen Mitridates VI gefokus het, het Fraates Armenië binnegeval. Hy het eindelik 'n ooreenkoms met Pompeius en Tigranes aangegaan; Mesopotamië en Adiabene is bevestig as Partiese gebiede,[3] terwyl Kordiene as Romeins bevestig is. 'n Vredesooreenkoms is ook aangegaan tussen Fraates en Tigranes.

Omstreeks 57 n.C. is Fraates III deur sy twee seuns, Orodes II en Mitridates IV vermoor en laasgenoemde het koning geword. 'n Burgeroorlog tussen die broers het gou uitgebreek, 'n stryd wat Orodes II gewen het.

Verwysings wysig

  1. Kia 2016, p. 195; Dąbrowa 2012, p. 169; Olbrycht 2015, p. 363
  2. Shayegan 2011, p. 316.
  3. Shayegan 2011, p. 319.

Bronne wysig

  • Kia, Mehrdad (2016). The Persian Empire: A Historical Encyclopedia [2 volumes]. ABC-CLIO. ISBN 978-1610693912.
  • Dąbrowa, Edward (2007). "The Parthian Kingship". History of the Ancient Near East / Monographs. XI: 123–134.
  • Olbrycht, Marek Jan (1997). "Parthian King's tiara - Numismatic evidence and some aspects of Arsacid political ideology". Notae Numismaticae. 2: 27–61.
  • Shayegan, M. Rahim (2011). Arsacids and Sasanians: Political Ideology in Post-Hellenistic and Late Antique Persia. Cambridge University Press. pp. 1–539. ISBN 9780521766418.

Skakels wysig

Voorganger
Sinatrukes
Fraates III Opvolger
Mitridates IV