Wikipedia

Franco Smith

Franco Smith (* 29 Julie 1972, Lichtenburg) is ’n voormalige Suid-Afrikaanse Springbokrugbyspeler wat as losskakel en senter gespeel het. Hy speel sy eerste toets op 6 Desember 1997 teen Skotland. Sy laaste toets was teen Nieu-Seeland op 7 Augustus 1999. Smith is sedert 2006 ’n rugbyafrigter. Tussen 2020 en 2021 het hy as hoofafrigter van die Italiaanse nasionale rugbyspan gedien en beklee sedert 2021 die pos as hoof van hoë prestasies by die Italiaanse Rugbyfederasie.

Franco Smith Rugbyportaal
Volle naam Petrus Francois Smith
Geboortedatum 29 Julie 1972 (1972-07-29) (51 jaar oud)
Geboorteplek Lichtenburg, Suid-Afrika
Lengte 1,83 m
Massa 94 kg
Skool Hoërskool Sand du Plessis
Universiteit Universiteit van die Vrystaat
Beroep Rugbyafrigter
Rugbyloopbaan
Loopbaan as speler
Posisie(s) Losskakel, senter
Springbokno. 643
Professionele / senior klubs
Jare Klub / span Weds (pte)
1999–2000
2001–02
2003–06 		Newport
Bologna
Treviso 		27
6
60 		(38)
(10)
(55)
Provinsiale- / Staatspanne
Jare Klub / span Weds (pte)
1992–95
1996–97
1998–2000
2001–02 		VS Cheetahs
Griekwas
Blou Bulle
Pumas 		16
40
27
 ()
(359)
()
()
Superrugby/Verenigde Rugbykampioenskap
Jare Klub / span Weds (pte)
1998–99, 2002 Bulls
korrek soos op 8 Mei 2015.
Nasionale span(ne)
Jare Land Weds (pte)
1997–1999 Vlag van Suid-Afrika Suid-Afrika 9 (23)
korrek soos op 8 Mei 2015.
Loopbaan as afrigter
Jare Klub / span
2005–07
2007–13
2014–15
2015
2015–2019
2016–2019
2020–2021 		VS Cheetahs
Treviso
VS Cheetahs
Shimlas
VS Cheetahs
Cheetahs
Vlag van Italië Italië
korrek soos op 8 Mei 2015.

Loopbaan wysig

Speler wysig

Jeug wysig

Smith was ’n leerling aan die Hoërskool Sand du Plessis en is in 1990 gekies vir die Vrystaatse o/18-Cravenweekspan.[1] In 1991 en 1992 het hy in talle wedstryde vir die Vrystaatse o/20-span asook vir die Shimlas van die Universiteit van die Oranje-Vrystaat uitgedraf. As student was hy kaptein van die Suid-Afrikaanse Universiteitespan wat teen ’n Suid-Afrikaanse Weermag-XV gespeel het.[2]

Vrystaat Cheetahs wysig

In September 1992 het Smith sy eersterangse debuut gemaak toe hy as senter vir die Vrystaat teen die Wes-Transvaal uitgedraf het in die tweede ronde van die 1992 Lionbekertoernooi.[3] Hy het tot 1995 in Bloemfontein gebly waar hy hoofsaaklik vir die Vrystaat se B-span gespeel het of as plaasvervanger vir die A-span.

Griekwas wysig

In 1996 het Smith hom by die Griekwas in Kimberley aangesluit.[4] Na slegs een seisoen by die Griekwas is Smith by die 36-man Springbokoefengroep ingesluit vir die jaareindtoer na Suid-Amerika en Europa.[5] Hy het saam met die Springbokke na Argentinië, Wallis en Frankryk getoer[6] en in ’n aantal toerwedstryde gespeel maar nie in enige toets nie.

Bulls/Blou Bulle wysig

Aan die begin van 1998 het Nick Mallett, Springbokafrigter, versoek dat Smith van die Cats aan die Bulls geleen word vir die Super 12-seisoen.[7] Hy het homself vinnig in die span gevestig en was op ’n punt in die kompetisie die Suid-Afrikaner met die meeste punte[8] voordat ’n kniebesering hom vir die laaste vier rondtes van die veld af gehou het. Hy het besluit om permanent in Pretoria te bly en het die Blou Bulle in 1998 se Curriebekerseisoen verteenwoording, asook die volgende jar se Superrugby- en Curriebekerseisoene.

Newport wysig

In Augustus 1999 is aangekondig dat Smith hom by Newport in Wallis sou aansluit.[9] Hy het in 27 wedstryde vir hulle gespeel en 38 punte aangeteken.[10]

Terugkeer na Bulls/Blou Bulle wysig

Na slegs een seisoen in Walles het Smith na Suid-Afrika teruggekeer en weer by die Blou Bulle aangesluit[11] waar hy in die 200 Curriebekerseisoen en die 2001 Super 12-seisoen gespeel het.

Pumas/Bologna/Bulls wysig

Van Pretoria af is Smith na Witbank waar hy in die 2001 Curriebekerseisoen vir die Pumas gespeel het, voor ’n kort loopbaan by Bologna.[12] Hy het na Suid-Afrika teruggekeer om vir die Pumas in die 2002 Curriebekerseisoen te speel en het ook vir die Bulls in die 2002 Super 12-seisoen gespeel.

Treviso wysig

Smith het na Italië teruggekeer om aan die einde van 2002 vir Treviso te speel.[13] Hy het vir vier seisoene daar gebly en het in 60 wedstryde vir die span gespeel. Gedurende sy tyd by hierdie klub het die span die Nasionale Kampioenskap van Uitmuntendheid in 2002–2003 en die Coppa Italia in 2005 gewen.

Terugkeer na Vrystaat Cheetahs wysig

In 2005 het Smith na Suid-Afrika teruggekeer en hom by die Vrystaat aangesluit en is hy by die Curriebekerspan ingesluit. Hy het egter nie vir die span uitgedraf nie. Aan die einge van 2005 het Smith sy rugbystewels opgehang en die Vrystaat se agterlynafrigter geword.

Suid-Afrika wysig

Smith het in 9 toetse vir die Springbokke gespeel. Hy het sy debuut op 6 Desember 1997 teen Skotland gemaak en sy laaste wedstryd was op 7 Augustus 1999 teen Nieu-Seeland.

Afrigter wysig

Vrystaat Cheetahs wysig

Smith se toetrede tot afrigting was toe hy die agterlynafrigter vir die Vrystaat Cheetahs in 2006 geword het.[14]

Treviso wysig

Na 18 maande by die Vrystaat het Smith na Italië teruggekeer om oor te neem as hoofafrigter van Treviso vir wie hy voorheen gespeel het.[15] Hy het Treviso gelei na twee Nasionale Kampioenskap van Uitmuntendheid, in 2008–2009 en 2009–2010, die Coppa Italia in 2010 en die Italiaanse Superbeker in 2009. Smith het in Desember 2013 die pos as hoofafrigter by Treviso bedank.[16]

Shimlas/Vrystaat Cheetahs/Cheetahs wysig

Met sy terugkeer na Suid-Afrika is Smith weer aangestel as agterlynafrigter van die Cheetahs.[17] Hy is ook aangestel as hoofafrigter van die rugbyklub van die Universiteit van die Vrystaat[18] en het hulle gelei na ’n eerste kampioenskapsoorwinning in die Varsitybeker in sy eerste seisoen as afrigter.

In Mei 2015 is aangekondig dat Smith sou oorneem as hoofafrigter van die Vrystaat Cheetahs.[19] Vier dae na hierdie aankondiging het Naka Drotské bekend gemaak dat hy sou bedank as hoofafrigter van die Cheetahs[20] en dat Smith aangewys is in Drotské se plek.[21]

Italië wysig

Op 21 November 2019 is Franco Smith as Italië se voorlopige afrigter benoem, nadat Conor O’Shea uit dié pos bedank het. Smith het die span tydens die Sesnasies-toernooi in 2020 en 2021 afgerig, maar Italië het nie een wedstryd gewen nie. Sy aanstelling is op 1 Junie 2020 permanent gemaak.[22] Sedert Mei 2021 beklee Franco Smith die pos as hoof van hoë prestasies by die Italiaanse Rugbyfederasie, terwyl die Nieu-Seelander Kieran Crowley as nuwe hoofafrigter aangestel is.[23]

Verwysings wysig

  1. ↑ (af) Van Eck, Georg (2 Junie 1990). "Cravenweekspan van die Vrystaat gekies". Beeld. Geargiveer vanaf die oorspronklike op 8 Mei 2015. Besoek op 5 Mei 2015.
  2. ↑ (af) Van Eck, Georg (14 September 1992). "Jonges laat mens baie moed skep vir toekoms". Beeld. Besoek op 5 Mei 2015.
  3. ↑ (af) Bosman, Jan (15 September 1992). "Vrystaat kan verskil onderstreep". Beeld. Geargiveer vanaf die oorspronklike op 8 Mei 2015. Besoek op 5 Mei 2015.
  4. ↑ (af) Van Rooyen, Quintus (17 Januarie 1996). "Nelie Smith gaan Griekwas afrig Eers saam met Markgraaff Van Julie af op sy eie". Beeld. Geargiveer vanaf die oorspronklike op 8 Mei 2015. Besoek op 5 Mei 2015.
  5. ↑ (af) Van Rooyen, Quintus (15 Oktober 1996). "Pensketse van nuwe Springbok-span". Beeld. Besoek op 5 Mei 2015.
  6. ↑ (af) "Springbokspan". Beeld. 31 Oktober 1996. Geargiveer vanaf die oorspronklike op 8 Mei 2015. Besoek op 5 Mei 2015.
  7. ↑ (af) Van Eck, Georg (29 Januarie 1998). "Franco Northern Bulls se losskakel". Beeld. Besoek op 5 Mei 2015.
  8. ↑ (af) "Sportnuus van oral". Beeld. 17 April 1998. Geargiveer vanaf die oorspronklike op 11 Mei 2015. Besoek op 5 Mei 2015.
  9. ↑ (af) Harmse, J.J. (28 Augustus 1999). "Newport lok OP bulstut na Wallis". Die Burger. Besoek op 5 Mei 2015.
  10. ↑ (en) "Franco Smith – Newport RFC". Newport RFC. Geargiveer vanaf die oorspronklike op 2 Augustus 2016. Besoek op 5 Mei 2015.
  11. ↑ (af) Gilbert, Morris (3 Mei 2000). "Franco speel weer vir Bulle". Die Burger. Besoek op 5 Mei 2015.
  12. ↑ (af) Van Eck, Georg (31 Oktober 2001). "MJ Smith gaan in Italië speel". Volksblad. Besoek op 5 Mei 2015.
  13. ↑ (af) Gilbert, Morris (23 Augustus 2002). "Pumas soek in Kiwi-land na plaasvervanger vir Franco Smith". Die Burger. Besoek op 5 Mei 2015.
  14. ↑ (af) "Gaffie lugtig vir 'monster'". Die Burger. 14 Maart 2006. Besoek op 5 Mei 2015.
  15. ↑ (it) "Franco Smith nuovo capo allenatore del Benetton Rugby". Benetton Treviso. 20 Mei 2007. Geargiveer vanaf die oorspronklike op 8 Maart 2016. Besoek op 5 Mei 2015.
  16. ↑ (it) "Comunicato Benetton Rugby". Benetton Treviso. 5 Desember 2013. Geargiveer vanaf die oorspronklike op 25 September 2015. Besoek op 5 Mei 2015.
  17. ↑ (af) Cronjé, Hendrik (14 Mei 2014). "Naka slaan slag met Franco as hulpafrigter". Die Burger. Geargiveer vanaf die oorspronklike op 11 Mei 2015. Besoek op 5 Mei 2015.
  18. ↑ (af) "Nuutjies vir reeks om Varsitybeker". Die Burger. 27 Januarie 2015. Besoek op 5 Mei 2015.
  19. ↑ (af) "Franco Smith Curriebeker breier". Vrystaat Cheetahs. 4 Mei 2015. Geargiveer vanaf die oorspronklike op 4 Maart 2016. Besoek op 5 Mei 2015.
  20. ↑ (en) Vrystaat Cheetahs (8 Mei 2015). "Naka retires as coach". Persberig. http://www.fscheetahs.co.za/News.aspx?newsid=2882. Besoek op 8 Mei 2015. 
  21. ↑ (en) Vrystaat Cheetahs (8 Mei 2015). "Franco Smith takes over as coach". Persberig. http://www.fscheetahs.co.za/News.aspx?newsid=2885. Besoek op 8 Mei 2015. 
  22. ↑ (en) "Smith appointed new permanent Italy head coach". Sesnasies. 1 Junie 2020. Besoek op 28 Maart 2021.
  23. ↑ (en) "Italy announce former All Black Crowley as new head coach". ESPNscrum. 19 Mei 2021. Besoek op 23 Mei 2021.

Eksterne skakels wysig

Franco Smith by www.genslin.us/bokke

Hierdie artikel is in sy geheel of gedeeltelik vanuit die Engelse Wikipedia vertaal.
Ontsluit van "https://af.wikipedia.org/w/index.php?title=Franco_Smith&oldid=2471806"