Gateshead is 'n groot nedersetting in die metropolitaanse graafskap Tyne and Wear in die noorde van Engeland en die hoofnedersetting in die Metropolitan Borough of Gateshead. Voor die skepping van Tyne and Wear in 1974 het Gateshead histories deel uitgemaak van die graafskap Durham.

Gateshead
Dorp
Ikoniese boukuns langs die Tyne
Ikoniese boukuns langs die Tyne
Gateshead is in Engeland
Gateshead
Gateshead
Koördinate: 54°57′00″N 1°36′00″W / 54.95000°N 1.60000°W / 54.95000; -1.60000
LandVlag van Verenigde Koninkryk Verenigde Koninkryk
LandVlag van Engeland Engeland
Metropolitaanse graafskapTyne and Wear
Metropolitan boroughGateshead
Oppervlak
 • Totaal21,68 km2 (8,37 vk. myl)
Bevolking
 • Totaal120 046
 • Digtheid5 537,2/km2 (14 341/vk. myl)
TydsoneUTC+00:00 (MGT)
 • SomertydUTC+01:00 (BST)
Poskodedistrik
NE8-NE11
Skakelkodes0191
Webwerfgateshead.gov.uk

Gateshead is aan die suidoewer van die River Tyne en net teenoor die City of Newcastle upon Tyne geleë. Dikwels word na Gateshead en Newcastle as die "Tweelingstad" verwys, en saam vorm hulle die stedelike kern van Tyneside, 'n agglomerasie met 'n bevolking van meer as 800 000. Die twee nedersettings word deur sewe brûe oor die Tynerivier met mekaar verbind, waaronder die bekende Gateshead Millennium Bridge.

Die Angel of the North, 'n beeldhouwerk met 'n hoogte van 20 meter wat deur Antony Gormley geskep is, het die ikoniese simbool van Noordoos-Engeland geword
The River Tyne & Baltic Flour Mills, historiese graanmeule aan die Tyne-oewer, is tot 'n kunssentrum omgeskep

Naas dié brug het ook ander ikoniese voorbeelde van moderne boukuns in Gateshead ontstaan, soos die Sage Gateshead, die "Engel van die Noorde" (Angel of the North) en die Baltic Centre for Contemporary Art.

Gateshead was oorspronklik 'n klein nedersetting aan die suidekant van 'n Middeleeuse brug oor die River Tyne wat teenoor die vesting en latere stad Newcastle upon Tyne geleë was en onder die jurisdiksie van die biskop van Durham geval het. Die plaaslike steenkoolvelde het in die tyd van die nywerheidsomwenteling die basis vir Gateshead se snelgroeiende yster- en staalbedryf gevorm en ook bygedra tot Gateshead se vinnige bevolkingsgroei.

Net soos soortgelyke bedrywe in ander streke van Noord-Engeland het ook Gateshead se swaar nywerhede gedurende die 20ste eeu ekonomiese agteruitgang ervaar. Desondanks speel metaalvervaardiging, ingenieurswese, ligte nywerhede en voedselverwerking steeds 'n belangrike rol in Gateshead se ekonomie. Daarnaas het hier met die MetroCentre (tans Intu Metrocentre) een van Europa se grootste winkelsentrums ontstaan.[1]

Na die bewoners van Gateshead en ander nedersettings in Tyneside word in Britse Engels as Geordies verwys.

Verwysings wysig