Gemini 11

Ruimtetuig en ruimtevlug

Gemini 11 (amptelik Gemini XI)[1] was die negende bemande ruimtevlug van NASA se Gemini-program. Dit was die sewentiende bemande Amerikaanse ruimtevlug en die 25ste bemande ruimtevlug van alle tye, insluitend die twee vlugte van die X-15 bo die Kármán-lyn. Die bemanning was Pete Conrad en Richard F. Gordon. Hulle is die eerste sending wat na lansering direk met 'n Agena-teikentuig gedok het, dit het 1 uur 34 minute na lansering gebeur. Hulle het toe die Agena se enjin gebruik om 'n rekordhoë-apside wentelbaan te bereik. Hulle het ook 'n klein kunsmatige swaartekragveld geskep deur die twee ruimtetuie te laat tol. Die twee was verbind met 'n koord. Richard Gordon het ook twee ruimtewandelings onderneem; hy het 2 uur en 41 minute buite die tuig deurgebring.

Bemanning wysig

Posisie Ruimteman
Bevelvoerder Pete Conrad
Tweede ruimtevlug
Vlieënier Richard F. Gordon
Eerste ruimtevlug

Verwysings wysig

  1. Hacker, Barton C.; Grimwood, James M. (September 1974). "Chapter 11 Pillars of Confidence". On the Shoulders of Titans: A History of Project Gemini. NASA History Series. Vol. SP-4203. NASA. p. 239. Geargiveer vanaf die oorspronklike op 13 Januarie 2010. Besoek op 15 Junie 2022. Vanaf Gemini IV, het NASA Romeinse syfers begin gebruik om die Gemini sendingname aan te dui.