Gerrit Van Niekerk Viljoen (11 September 192629 Maart 2009) was 'n Suid-Afrikaanse kabinetsminister en lid van die Nasionale Party. Hy was die voorsitter van die Broederbond vanaf 1974 tot 1980, administrateur van Suidwes-Afrika van 1978 tot 1980 en kabinetsminister tot 1992.

Gerrit Viljoen

Minister van Staatkundige Ontwikkeling
Ampstermyn
1989 – 1992
President Frederik Willem de Klerk
Voorafgegaan deur Chris Heunis
Opgevolg deur Roelf Meyer

Minister van Onderwys
Ampstermyn
1989 – 1990
President Frederik Willem de Klerk
Voorafgegaan deur Frederik Willem de Klerk
Opgevolg deur Gene Louw

Minister van Onderwys, Samewerking en Ontwikkeling
Ampstermyn
1984 – 1988
President Pieter Willem Botha
Voorafgegaan deur Daniel Steyn (Onderwys en Opleiding)
Piet Koornhof (Samewerking en Ontwikkeling)
Opgevolg deur Stoffel van der Merwe (Onderwys en Opleiding)

Minister van Onderwys
Ampstermyn
1980 – 1984
Eerste minister Pieter Willem Botha
Voorafgegaan deur Punt Janson
Opgevolg deur Frederik Willem de Klerk

Administrateur-generaal van Suidwes-Afrika
Ampstermyn
1979 – 1980
Voorafgegaan deur Martinus Steyn
Opgevolg deur Danie Hough

Persoonlike besonderhede
Gebore 11 September 1926
Kaapstad, Unie van Suid-Afrika
Sterf 29 Maart 2009 (op 82)
Stilbaai, Suid-Afrika
Politieke party Nasionale Party

Vroeë lewe wysig

Gebore in Kaapstad op 11 September 1926 as die seun van Hendrik Geldenhuys Viljoen en Helena Viljoen. Hendrik, sy vader, was die redakteur van die Huisgenoot, 'n Afrikaanse tydskrif. Sy familie verhuis na Pretoria, waar hy sy skoolloopbaan begin by die Pretoria-Oos Laerskool in 1933. Hy ontvang sy hoërskoolopleiding by Afrikaanse Hoër Seunskool in Pretoria en matrikuleer in 1943. Hierna skryf hy in by die Universiteit van Pretoria, waar hy 'n meestersgraad MA (Klassieke Studies) en LL.B verwerf. Terwyl hy aan die Universiteit studeer, speel hy 'n aktiewe rol in politiek en dien vier jaar op die studenteraad. Hy was ook een van die stigterslede van die Verenigde Afrikaanse Studente Organisasie in 1948. Hierna studeer hy klassieke letterkunde en filosofie aan die Universiteit van Cambridge en word 'n meestersgraad toegeken. Aan die Universiteit van Leiden verkry hy die doktorsgraad D Litt et phil in 1955 , gebaseer op sy navorsing oor die gedigte van Pinder, 'n klassieke Griekse digter en skrywer. By sy terugkeer na Suid-Afrika werk hy as senior lektor by die Universiteit van Pretoria en later as professor by die "Classics" departement. In 1967 word hy aangestel as visekanselier van die nuutgestigte Randse Afrikaanse Universiteit.

Politieke loopbaan wysig

In 1974 volg hy Dr Andries Treurnicht op as voorsitter van die Broederbond, 'n invloedryke organisasie vir Afrikaners, waaraan omtrent alle ministers van hierdie tyd behoort het. In 1978 word hy aangestel as die administrateur van Suidwes-Afrika en in 1980 word hy die Minister van Nasionale Opvoeding in die kabinet van P.W. Botha. Hy wen die setel Vanderbijlpark in die algemene verkiesing van April 1981. In 1989 word hy die Minister van Konstitusionele Ontwikkeling in F.W. de Klerk se regering. As senior ideoloog en spraakbuis vir die Nasionale Party, ondersoek hy verskillende konstitusionele modelle vir 'n "nuwe Suid-Afrika". Hy neem ook deel aan die eerste amptelike onderhandelinge met die ANC in Mei 1990. Hy tree uit die politieke lewe as gevolg van swak gesondheid.

Gesinslewe wysig

Gerrit Viljoen was getroud met Magdalene en hulle het sewe kinders. Hy sluit sy lewe af in 'n ouetehuis in Stilbaai vanwaar hy uit die NG Kerk begrawe is, na sy afsterwe aan longontsteking op die ouderdom van 82.

Bronne wysig