Giora Epstein

Israeli vegvlieënier

Giora "Hawkeye" Epstein (Hebreeus: גיורא אפשטיין‎) (gebore 20 Mei 1938 in Negba) is 'n afgetrede generaal van die Israeliese Lugmag wat volgens beskikbare inligting meer straalvliegtuie neergeskiet het as enige ander vlieënier in die Arabies-Israeliese konflikte.

Giora Epstein / Giora Even
Giora Epstein

Giora Even, skets deur Jay Ashurst

Bynaam(e) Hawkeye
Geboortedatum 20 Mei 1938
Lojaliteit Vlag van Israel Israel
Diens/Tak Israeliese Lugmag
Jare in diens 1956–98
Rang Tat aluf
Ander werk vlieënier

Epstein het 17 straalvliegtuie, almal Egipties, afgeskiet. Die algemeen aanvaarde wêreldrekord ("ace of aces") vir straalvliegtuig teen straalvliegtuig gevegte is 21, deur Nikolay Sutyagin.

Epstein was 'n aktiewe Israeliese Lugmagvlieënier van 1963 tot 1998, toe hy afgetree het. Hy het daarna, soos baie ander afgetrede Israeli Lugmagvlieëniers, vir die El-Al lugdiens gewerk.

Vroeë loopbaan wysig

Epstein het tydens die Suez-oorlog in 1956 by die Israeliese weermag aangesluit. Hy word toelating geweier tot die vliegskool, weens 'n hartdefek, maar word as 'n valskermsoldaat opgelei. Epstein verlaat die weermag in 1959. Twee jaar later doen hy weer aansoek by die vliegskool.

Na hy aanvaar is, begin hy met vliegopleiding. Weens sy besonder goeie sigvermoë word hy die bynaam "Hawkeye" (Valkoog) gegee. Daar word beweer dat Epstein oor die vermoë beskik het om 'n vliegtuig vier-en-twintig myl ver te kon waarneem, ongeveer drie keer verder as die gemiddelde vlieënier.

Oorwinnings: 1967-1973 wysig

Epstein skiet sy eerste vliegtuig af op 6 Junie 1967 (gedurende die Sesdaagse Oorlog), toe hy 'n Egiptiese Soechoi-7 by El Arish afskiet. Gedurende die Uitputtingsoorlog in 1969-1970, skiet Epstein 'n MiG-17, nog 'n Soechoi-7 en twee MiG-21s af. Die res van die vliegtuie wat hy afskiet het was gedurende die 1973 Jom Kippoeroorlog. Oor die verloop van drie dae (18-20 Oktober 1973), skiet hy 'n Mi-8 helikopter en agt vegvliegtuie af: twee Soechoi-7s, twee Soechoi-20s en vier MiG-21s. Op 24 Oktober 1973, skiet Epstein nog drie MiG-21s af.

Agt van die oorwinnings behaal Epstein agter die kontroles van die Fransvervaardigde Mirage III, 'n deltavlerk-vegvliegtuig wat ontwerp is as 'n onderskepvliegtuig. Sy nege ander oorwinnings was in 'n IAI Nesher, 'n Israeli-vervaardigde weergawe van die Mirage V.

Latere loopbaan en aftrede wysig

Na die Jom Kippoeroorlog, ontvang Epstein die Medal of Ideal, een van Israel se hoogste militêre eerbewyse. Hy was later die bevelvoeder van Mirage- en Kfir-eskaders. Epstein het missies in die F-16 gevlieg tot sy 60ste verjaarsdag. Na sy aftrede by die Israeliese Lugmag het hy as vlieënier vir die El-Al Lugdiens gewerk.

Epstein was die primêre fokus van die "Desert Aces" episode van die History Channel se reeks Dogfights. Die episode is die eerste keer uitgesaai op 10 Augustus 2007.

Eksterne skakels wysig