Gloster Gauntlet
Die Gloster Gauntlet is 'n enkelsitplek, dubbeldekkervegvliegtuig wat deur die Britse Lugmag (Royal Air Force) in die 1930's gebruik was. Dit was die laaste RAF vegvliegtuig wat 'n oop kajuit gehad het en die tweede laaste dubbeldekker wat aktiewe diens gedoen het in die RAF.
| Gloster Gauntlet | |
|---|---|
 | |
| Tipe | Vegter |
| Vervaardiger | Gloster Aircraft |
| Nooiensvlug | 1933 |
| Bekendstelling | 1935 |
| Onttrek | 1943 |
| Hoofgebruiker | Britse Lugmag Finse Lugmag Deense Lugmag |
| Vervaardig | 1933–1936 |
| Aantal gebou | 246 |
| Ontwikkel van | Gloster S.S.19B |
| Weergawes | Gloster Gladiator |
Die Gloster S.S.18 se nooiensvlug het in Januarie 1929 plaasgevind. Dit is uit die Gloster S.S.19B ontwerp ontwikkel. Die S.S.19 prototipe het 'n nuwe enjin, 'n Bristol Mercury VIS, gebruik en vir die eerste keer in 1933 in dié vorm gevlieg.[1] Nadat die S.S.19 deur die Ministerie vir Lugvaart getoets is, is 'n bestelling vir 24 vliegtuie in September 1933 geplaas. Die vliegtuie sou as die "Gauntlet" bekendstaan.[1] Die aanvanklike bestelling is opgevolg met bestellings vir die aangepaste Gauntlet Mk. II. Die nuwe model het 'n opgedateerde konstruksietegniek gebruik, gegrond op dié wat vir die Hawker gebruik is. Dit was nadat Hawker Gloster oorgeneem het aangesien dit baie makliker was om die Gloster se gesweisde struktuur te bou en herstel.[1] 'n Totaal van 204 Mk IIs is in die Verenigde Koninkryk vervaardig.
Operasionele Diens wysig
Die Gauntlet Mk. I het vir die eerste keer diens gedoen in No. 19 Eskader by RAF Duxford in Mei 1935. Die Gauntlet was suksesvol en gewild met 'n wye werkverrigtingspeling in vergelyking met die vliegtuie wat dit vervang het, soos die Bristol Bulldog wat 56 mpu stadiger as die Gauntlet was.[1] Die vliegtuig het dan ook die hoofkomponent van die RAF se vegvliegtuigvermoë geword. Die Gauntlet was van 1935 tot 1937 die vinnigste RAF vliegtuig.[2]
In Mei 1936 is die Gauntlet Mk II deur 56 Eskader en 111 Eskader in gebruik geneem. Teen die einde van 1936 is nog ses eskaders met die Gauntlet uitgerus.[1] Op die kruin van die vliegtuig se loopbaan was 'n totaal van 14 eskaders met Gauntlets uitgerus.[2] 32 Eskader Gauntlets is in vroeë toetsvlugte vir grondbeheer van vegvliegtuie deur middel van radar gebruik.[1]
Toe meer gevorderde vegvliegtuie, soos die Gloster Gladiator, Hawker Hurricane en Supermarine Spitfire begin gebruik is om Gauntlet eskaders her-uit te rus in 1936 en 1937, is die oortollige Gauntlets na nuutgevormde eenhede gestuur as hulle eerste toerusting wat hulle toegelaat het om opleiding te ondergaan voor meer moderne vliegtuie gebruik is. Gauntlets is ook na die Midde-Ooste gestuur waar drie RAF-eskaders hulle gebruik het.
Teen die begin van die Tweede Wêreldoorlog is alle Britse tuiseskaders met meer moderne vliegtuie toegerus. In die Middeooste het die vliegtuie egter langer in gebruik gebly in No.3 Eskader van die Koninklike Australiese Lugmag (RAAF) toe Italië in 1940 oorlog verklaar het. Dié is vlugtig vir grondaanvalle teen die Italianers gebruik[3] voor dit weens onderhoudsprobleme uit diens onttrek is. Gauntlets is steeds vir meteorologiese vlugte gebruik tot 1943.[1]
Sewentien Gauntlets IIs is onder lisensie in Denemarke vervaardig. Na die uitbreek van die Winteroorlog tussen Finland en die Sowjetunie het die Unie van Suid-Afrika 29 Gloster Gauntlet opleidingsvliegtuie by die RAF gekoop en aan Finland geskenk. Slegs 25 is van Engeland gestuur en slegs 24 is lugwaardig gemaak. Die vliegtuie is na Göteborg in Swede verskeep en by Centrala Flygverkstaden in Malmslätt aanmekaargesit. Die eerste twee 2 arriveer op 10 Maart 1940 in Finland, nog 3 op 3 April en 4 op 12 April. Die res is na Finland verskeep en 15 kom tussen 16 en 17 Mei by LeV aan.[4][5][6]
Sien ook wysig
Verwysings wysig
- ↑ 1,0 1,1 1,2 1,3 1,4 1,5 1,6 Mason 1992
- ↑ 2,0 2,1 Thetford 1957.
- ↑ Herington, John. Australia in the War of 1939–1945. Series 3 – Air, Volume III – Air War Against Germany and Italy, 1939–1943, First Edition (Australian Official Histories – Second World War). Canberra: Australian War Memorial, 1957. [1] Geargiveer 22 Desember 2015 op Wayback Machine Verkry op 3 April 2007 Note: Chapter 3, First Libyan Campaign.
- ↑ Virtual Pilots, The last Gloster Gauntlet "GT-400" still flies in the Finnish skies, Besoek op 29 Julie 2007
- ↑ Backwoods Landing Strip - Finnish Air Force Aircraft Geargiveer 18 Desember 2007 op Wayback Machine, [2] Geargiveer 31 Maart 2001 op Wayback Machine. Besoek op 29 Julie 2007
- ↑ Mondey, David. The Hamlyn Concise Guide to British Aircraft of World War II. London: Aerospace Publishing, 1994. ISBN 1-85152-668-4.