Groot Skeidingsgebergte

(Aangestuur vanaf Great Dividing Range)

Die Groot Skeidingsgebergte (Engels: "Great Dividing Range") is die grootste bergreeks van Australië en die derde langste landgebaseerde bergreeks ter wêreld, net na die Andes en die Rotsgebergte. Dit streek oor meer as 3 500 km vanaf Dauaneiland in die mees noordoostelike hoek van Queensland, loop langs die hele oostelike kus van Nieu-Suid-Wallis, daarna Victoria en draai in 'n westelike rigting, voordat dit uiteindelik in die sentrale vlaktes van die Grampians in die weste van Victoria verdwyn. Van die berge op die eiland Tasmanië word as deel van die Great Dividing Range beskou. Die breedte van die bergreeks wissel van sowat 160 km tot meer as 300 km.[1] Die Australiese Alpe is in die bergreeks geleë. Mount Kosciuszko is met 2 228 meter bo seevlak die hoogste bergpiek op die vasteland van Australië, gevolg deur Mount Townsend met 2 209 meter.

'n Uitsig oor die Groot Skeidingsgebergte
Ligging van die Groot Skeidingsgebergte in Australië in geel

Die skerp styging tussen die laaglande langs die kus en die oostelike hooglande het 'n groot impak op die Australiese klimaat, hoofsaaklik as gevolg van orografiese neerslag, en hierdie gebiede van hoë hoogtes openbaar 'n indrukwekkende kloofland.[2]

Die Groot Skeidingsgebergte, soos gesien vanaf Mount Hotham, Victoria.
'n Uitsig vanaf die piek van Mount Feathertop in 'n noordoostelike rigting met die Fainters en ander berge.

Verwysings wysig

  1. (en) Shaw, John H., Collins Australian Encyclopedia, William Collins Pty Ltd., Sydney, 1984, ISBN 0-00-217315-8
  2. (en) Löffler, Ernst; A.J. Rose; Anneliese Löffler; Denis Warner (1983). Australia:Portrait of a Continent. Richmond, Victoria: Hutchinson Group. ISBN 0-09-130460-1.

Eksterne skakels wysig