Håkan Nesser (* 21 Februarie 1950 in Kumla) is 'n Sweedse skrywer van speurverhale. Hy woon met sy vrou Elke en sy twee kinders sedert Augustus 2006 in Greenwich Village (New York).

Håkan Nesser
Håkan Nesser in 2005
Gebore21 Februarie 1950
Kumla, Swede
NasionaliteitVlag van Swede Swede
BeroepSkrywer

Biografie wysig

Nesser het sosiologie, Engels, literatuurgeskiedenis, Skandinawiese tale, geskiedenis en wysbegeerte aan die Universiteit van Uppsala gestudeer. Later was hy as hoërskoolonderwyser werksaam en het met die skryf van sy romans begin. Sy literêre debuut, Koreografen, het in 1988 verskyn. Det grovmaskiga nättet, die eerste in 'n reeks speurverhale, wat om polisie-kommissaris Van Veeteren handel, is in 1993 vrygestel. Hierdie roman is as die beste literêre debuut van die jaar 1993 met die Sweedse Speurverhaalprys bekroon en was ook in die buiteland 'n blitsverkoper. Nege verdere romans in die Van Veeteren-reeks het tot in die jaar 2003 verskyn.

Die Van Veeteren-romans speel in 'n fiktiewe Europese land met die hoofstad Maardam af, alhoewel die persoons- en plekname en beskrywings van grachten, huisbote en die geldeenheid gulden na Nederland as Nesser se voorbeeld verwys.

Håkan Nesser word naas Henning Mankell as een van die leidende misdaadskrywers in Swede beskou. Sy roman Kim Novak badade aldrig i Genesarets sjö ("Kim Novak het nooit in die Genesarethmeer geswem nie") uit die jaar 1998 is in 2005 in Swede verfilm, terwyl die boek in sy tuisland verpligte leesstof in talle skole geword het.

Die Van Veeteren-reeks is tussen 2000 en 2005 deur die Sweedse Uitsaaikorporasie Sveriges Television (SVT) verfilm. Die Nasionale Duitse Omroep (Deutschlandradio) het sedert 2001 drie radiodrama's geproduseer wat op romans van Håkan Nesser baseer. In Duitsland het daarnaas 'n aantal oudioboeke verskyn.

Met die roman Människa utan hund ("Mens sonder hond") het Nesser in 2006 'n nuwe reeks speurverhale begin wat vier romans sal behels. Die hoofkarakter is polisie-inspekteur Gunnar Barbarotti wat misdade in Kymlinge, 'n fiktiewe stad in Wes-Swede, ondersoek. Die tweede verhaal in die reeks, "En helt annan historia", is in 2007 in Swede vrygestel. In dieselfde jaar is Och Piccadilly Circus ligger inte i Kumla ("En Piccadilly Circus is nie in Kumla geleë nie") in Kumla en sy omgewing verfilm.

Literêre toekennings wysig

  • 1993: Sweedse Speurverhaalprys - Bästa svenska Debut vir Det grovmaskiga nätet
  • 1994: Sweedse Speurverhaalprys - Bästa svenska kriminalroman vir Borkmanns punkt
  • 1996: Sweedse Speurverhaalprys - Bästa svenska kriminalroman vir Kvinna med födelsemärke
  • 2000: Glasnyckel vir Carambole
  • 2002: Finse Speurverhaalprys vir Nesser se werke wat tot dusver in Fins vertaal is
  • 2007: Palle-Rosenkrantz-prys van Det danske Kriminalakademi vir Skyggerne og regnen (oorspronklike Sweedse titel: Skuggorna och regnet)

Verwysings wysig

  • Hierdie artikel, of gedeeltes daarvan, is uit die volgende Wikipedia-artikel vertaal: Håkan Nesser

Eksterne skakels wysig