Hüd
Hüd (Arabies: هود) was ’n Islamitiese profeet van antieke Arabië wat in die Koran genoem word. Die 11de soera van die Koran is na hom genoem, hoewel sy verhaal net ’n klein deel van die hoofstuk beslaan.
| Hüd هود | ||
| Islamitiese profeet | ||
| ||
| Hüd en die stam Aad. | ||
| Ander name | Hüd is al geïdentifiseer as die Hebreeuse Eber. | |
| Gebore | Tussen 300 en 600 v.C. Aad | |
| Laaste rusplek | Kabr Nabi Hüd | |
Geskiedenis wysig
Hüd word soms geïdentifiseer as Eber,[1] ’n voorouer van die Israeliete wat in die Ou Testament genoem word, maar dit word betwis.
Hy was vermoedelik ’n onderdaan van ’n koninkryk wat na sy stigter genoem is: Aad (ʿĀd). Dié was ’n vierdegeslagafstammeling van Noag (sy pa was Us, die seun van Aram, wat die seun van Noag se seun Sem was).
Hoewel die Koran nie na die ligging van Aad verwys nie, word geglo dit was in die suidelike deel van die Arabiese Skiereiland, moontlik in Oos-Jemen en/of Wes-Oman. In die 1980's is ’n nedersetting ontdek wat vermoedelik Oebar is, wat in die Koran genoem word as Iram, die hoofstad van Aad.
Verhaal wysig
Hier volg ’n opsomming van die verhaal van Hüd, met die klem op twee spesifieke verse:
Die volk van Aad was baie ryk en magtig en hulle het talle geboue en monumente opgerig om dit te wys.[2] Die volk het egter later arrogant geword – hulle het Allah verwerp en afgode begin aanbid.[3]
Hüd het egter as kind al tot God gebid. Sy ma was ’n vroom vrou wat groot visioene met haar seun se geboorte gehad het, en sy was die enigste mens wat Hüd se aanbidding van God aangespoor het. God het hom dus opgeroep om ’n profeet vir die Aad-volk te wees. Die mense van Aad het Hüd egter gespot toe hy vir hulle vertel om een God te aanbid en boete te doen vir hul sondes van die verlede. Die Koran stel dit so:
En na Aad het Ons hul broer Hüd gestuur. Hy het gesê: O my volk! Aanbid Allah! Julle het geen God nie buiten Hom. Julle versin net leuens.
O my volk! Ek vra julle geen beloning hiervoor nie. My beloning is alleen by Hom wat my geskape het. Sal julle dan nie begryp nie?
En, o my volk, vra julle Heer om vergifnis, en wend julle daarna tot Hom; Hy sal wolke wat voldoende reëns neergiet, oor julle heen stuur, en krag by júlle kragte voeg. Moet tog nie soos skuldiges wegdraai nie.
Hulle het gesê: O Hüd! U het ons nie ’n enkele duidelike bewys gebring nie, en ons gaan nie ons gode in die steek laat vir u woord nie. In u glo ons nie.
Ons kan alleen sê dat ons gode u met kwaad getref het. Hy het geantwoord: Voorwaar, ek roep Allah as getuie aan, en ook júlle getuig dat ek onskuldig is aan dit wat julle met Allah vereenselwig.
Laat julle almal dan komplotte teen my smee, en verleen aan my geen uitstel nie.
Sekerlik het ek my vertroue in Allah gestel, Hy wat my Heer en julle Heer is. Daar is geen lewende skepsel nie, of Hy neem hom by sy voorkuif. Voorwaar, my Heer is te vinde op die regte pad.
Maar indien julle wegdraai, dan het ek nog die boodskap waarmee ek na julle gestuur is aan jul meegedeel, en my Heer sal ’n ander volk julle plek laat inneem, en julle kan Hom nie die geringste kwaad aandoen nie. Voorwaar, my Heer is Bewaker oor alles.Koran, Soera 11:50-57[4]
Hüd het ’n lang ruk vir die mense van Aad gepreek. Die meeste wou egter nie luister nie en hulle het hom aanhou ignoreer en spot. Nadat hul aggressie, arrogansie en afgodery toegeneem het en God hulle talle kere gewaarsku het, het Hy ’n donderstorm gestuur om klaar te speel met die bose mense van Aad. Die verwoesting van Aad word in die Koran beskryf:
En toe hulle dit gesien het – ’n wolk wat na hulle valleie aangekom het – het hulle gesê: Dit is ’n wolk wat vir ons reën bring. Hy het gesê: Nee, dit is wat julle gewens het om te verhaas, ’n wind waarin ’n pynlike straf is,
wat deur die gebod van sy Heer vernietig. Dus by dagbreek kon daar niks gesien word nie, behalwe hulle wonings. So beloon Ons die misdadige volk.
Koran, Soera 46:24-25
In ander gelowe wysig
In die Judaïsme en Christendom word Hüd nie as ’n profeet vereer nie en hy kom glad nie in die Bybel voor nie. Daar is egter verskeie verwysings van voor die Koran na individue wat Hüd genoem word of name het wat aan Hüd verbind word, soos "Abihud", ’n kleinseun van Benjamin (1 Kronieke 8:3), sowel as verwysings na die volk van Aad.[5]
Verwysings wysig
- ↑ A-Z of Prophets in Islam and Judaism, Brannon M. Wheeler, Hud
- ↑ Bou julle ’n monument op elke hoogte vir ydele vermaak? (Koran, Soera 26:128-129)
- ↑ Stories of the Prophets, Ibn Kathir, Story of Hud
- ↑ Die Heilige Quran, vertaal deur imam M.A. Baker. IDM Publications, vir The Islamic Dawah Movement of Southern Africa, Durban, Suid-Afrika. Webtuiste: www.idmdawah.co.za. URL besoek op 25 September 2016
- ↑ A-Z of Prophets in Islam and Judaism, Brannon M. Wheeler, Hud
Eksterne skakels wysig
- Die Verhaal van Hüd
Hierdie artikel is vertaal uit die Engelse Wikipedia
| Profete van Islam, soos in die Koran genoem. | 
|
||||||||||||||||||||||||||||||||||||||||||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| |||||||||||||||||||||||||||||||||||||||||||||||||||||||||||||||||||||||||||||||||||||||||
