Die Hawaii-hemp (in Engels gewoonlik aloha shirt of Hawaiian shirt genoem) is 'n soort informele hemp - met oopslaankraag, meestal kort moue, 'n borssak aan die linkerkant en knope - wat sy oorsprong op die Hawaii-eilandgroep het. Hawaii-hemde word gewoonlik met bont Hawaise motiewe bedruk en deur sowel mans as vroue los bo-oor die broek of romp gedra.

'n Hawaii-hemp uit die 1960's in minder opvallende kleure
'n Moderne Hawaii-hemp met omgekeerde drukpatroon

Hawaii-hemde het in die eerste helfte van die 20ste eeu 'n gewilde aandenking vir toeriste geword. Met die opkoms van massatoerisme en danksy die rolprent- en vermaakbedryf waar dit deur bekende sterre soos Elvis Presley gedra is, het die hemp ook buite Hawaii tot 'n gewilde bostuk ontwikkel. In Hawaise sakekringe word die hemp intussen ook in meer formele geleenthede gedra.[1]

Verwysings wysig

  1. "Hawaiian Shirts - Aloha Shirts History". Geargiveer vanaf die oorspronklike op 25 Junie 2012. Besoek op 22 April 2011.