Hebreeuse Universiteit van Jerusalem
Die Hebreeuse Universiteit van Jerusalem (Hebreeus: הַאוּנִיבֶרְסִיטָה הַעִבְרִית בְּיְרוּשָׁלַיִם, Ha-Universita ha-Ivrit bi-Yerushalayim; Arabies: الجامعة العبرية في القدس, Al-Jami'ah al-Ibriyyah fi al-Quds; afgekort tot HUJI) is Israel se tweede oudste universiteit, met 'n hoeksteen wat in 1918 gelê is, te wete dertig jaar voor die totstandkoming van die Staat van Israel. Toe die instelling sy deure op 1 April 1925 geopen het, was dit nog 'n navorsingsentrum, maar reeds drie jaar later is met 'n onderrigprogram begin.
| Hebreeuse Universiteit van Jerusalem | |
|---|---|
 | |
| Gestig: | 24 Julie 1918 |
| Tipe: | Openbare universiteit |
| Befondsing: | $471 miljoen (2015)[1] |
| President: | Asher Cohen |
| Rektor: | Barak Medina |
| Studentetal: | 23 000 |
| Voorgraadse studente: | 12 500 |
| Nagraadse studente: | 5 000 |
| Doktorale studente: | 2 200 |
| Ligging: | Jerusalem & Rehovot |
| Kampus: | Stedelik |
| Bynaam: | HUJI |
| Webtuiste: | huji.ac.il |
Die Hebreeuse Universiteit het drie kampusse in Jerusalem en een in Rehovot[2] Die wêreld se grootste biblioteek van Joodse studies is geleë op die universiteit se Edmond J. Safra Givat Ram kampus.
Die universiteit het vyf geaffilieerde onderrig-hospitale, insluitende die Hadassah Mediese Sentrum, sewe fakulteite, meer as honderd navorsingsentrums, en drie-honderd-en vyftien akademiese departemente. Met ingang 2018 het 'n derde van al die doktorale kandidate in Israel by die Hebreeuse Universiteit gestudeer.
Die eerste raad van goewerneurs het Albert Einstein, Sigmund Freud, Martin Buber, en Chaim Weizmann ingesluit. Vier van Israel se presidente en vier van Israel se eerste ministers is alumni van die universiteit.[3] Met ingang 2018 was daar reeds vyftien Nobelprys wenners, twee Fields medaljewenners, en drie Turing-prys wenners geaffilieer met die universiteit.
Verwysings wysig
- ↑ President’s Report 2015 Geargiveer 14 Oktober 2016 op Wayback Machine, Hebrew University of Jerusalem
- ↑ "The Hebrew University of Jerusalem – About" (in Engels). Huji.ac.il. Geargiveer vanaf die oorspronklike op 22 Januarie 2013. Besoek op 6 September 2011.
- ↑ Presidente: Ephraim Katzir, Yitzhak Navon, Moshe Katsav en Reuven Rivlin.
Eerste ministers: Ehud Barak, Ariel Sharon, Ehud Olmert en Naftali Bennett.
Eksterne skakels wysig
Wikimedia Commons het meer media in die kategorie Hebreeuse Universiteit van Jerusalem.
