Hertzoggie

tertjie of koekie gevul met konfyt

'n Hertzoggie, ook bekend as 'n Hertzog-koekie, is 'n tertjie of koekie gevul met konfyt met 'n klappermeringuebolaag. Hierdie koekie is 'n gewilde Suid-Afrikaanse gebak wat ook saam met Engelse tee geniet kan word. In die Kaap-Maleise gemeenskap word die nagereg gereeld gedurende Eid bedien.[1] Dit vorm ook deel aan die tuisnywerheidindustrie waar dit gereeld saam met ander Suid-Afrikaanse lekkernye verkoop word, soos bv. koeksisters.

Smaaklike hertzoggies

Geskiedenis wysig

Die tertjie is vernoem na die die Suid-Afrikaanse politikus en Anglo-Boereoorlog-generaal J. B. M. Hertzog. Die Hertzog-koekies was glo een van sy gunsteling lekkernye.[1] Hertzog se ondersteuners was bekend daarvoor dat hulle die koekies gebak en bedien het as 'n teken van hul politiese ondersteuning.[2][3]

Een van die ander oorsprong-stories is dat dit deur die Kaap-Maleise gemeenskap uitgevind is om hulle ondersteuning aan Hertzog te wys nadat hy in die 1920's stemregte aan vroue asook gelyke regte aan die Kaap-Maleise gemeenskap beloof het. Nadat hy sy eerste belofte nagekom het, stemregte vir vroue, maar nie die een oor gelyke regte nie, het die gemeenskap die koekies begin bak met bruin en pienk gekleurde versiersuiker. Die naam vir die koekie was "tweegevreetjie".[4][3]

'n Ander moontlike rede van die nagereg se oorsprong is die Afrikaners se gewoonte om gebak na nasionale helde te vernoem.

Bestanddele wysig

Hertzog-koekies bestaan uit 'n broskorsdeegbasis, 'n appelkooskonfytvulsel en 'n dop gemaak uit klappermeringue wat dan gebak word.

Jan Smuts-koekies wysig

 
Twee Jan Smuts-koekies, waarvan die een in twee gebreek is om die appelkooskonfytvulsel te wys

Die Hertzog-koekie het die ondersteuners van Hertzog se politiese mededinger en tydgenoot, Jan Smuts, aangespoor om hulle eie weergawe van die gebak te skep: Jan Smuts-koekies. Die gebak was ook baie polulêr in die 1920's en 1930's. Jan Smuts-koekies het 'n geroomde botter- en suikerbolaag in plaas van die meringuebolaag van die Hertzog-koekie.[5][6]

Sien ook wysig

Verwysings wysig

  1. 1,0 1,1 Breakfast, Swellendam Guesthouse B&B | Augusta de Mist | Garden Route Accommodation | Bed and (19 Augustus 2012). "Have another Hertzoggie!". Geargiveer vanaf die oorspronklike op 13 Augustus 2016. Besoek op 22 Julie 2016.
  2. "Hertzoggies – The Political Food Show" (in Engels (VSA)). 26 Februarie 2016. Geargiveer vanaf die oorspronklike op 17 Mei 2019. Besoek op 22 Julie 2016.
  3. 3,0 3,1 Baderoon, Gabeba (2014). Regarding Muslims: From Slavery to Post-Apartheid. Johannesburg: Wits University Press. p. 93. ISBN 978-1-86814-769-4. {{cite book}}: Check |first= value (hulp)
  4. Baderoon, Gabeba (2007). "'Catch with the eye': stories of Muslim food in Cape Town". In Field, Sean; Meyer, Renate; Swanson, Felicity (reds.). Imagining the City: Memories and Cultures in Cape Town. HSRC Press. p. 130. ISBN 978-0-7969-2179-6. {{cite book}}: Onbekende parameter |chapterurl= geïgnoreer (hulp)[dooie skakel]
  5. "Hertzoggies (Cookies!)" (in Engels). Food.com. 2006. Geargiveer vanaf die oorspronklike op 12 Februarie 2017. Besoek op 22 Julie 2016.
  6. "Old fashioned Hertzoggies" (in Engels). Pink Polkadot Food. 20 Desember 2012. Geargiveer vanaf die oorspronklike op 1 November 2019. Besoek op 22 Julie 2016.

Notas wysig

Hierdie artikel is in sy geheel of gedeeltelik vanuit die Engelse Wikipedia vertaal.