Die Hillbrow-toring is 'n toring in Johannesburg, Suid-Afrika. Dit is in die gelyknamige buurt, is tussen Junie 1968 en April 1971 opgerig, en op 270 meter hoog een van die hoogste strukture in Afrika. Dit is oorspronklik genoem na die voormalige eerste minister J.G. Strijdom, maar staan tans bekend as die Hillbrow-toring. Dit behoort aan Telkom, en is hoofsaaklik opgerig om as mikrogolftoring te dien, en gevolglik moes dit hoër as die omliggende woonstelgeboue wees. Vroeër het die boonste verdiepings as toeristeaantreklikheid gedien met 'n uitkykpunt vir 200 mense asook 'n draairestourant. Dit is egter om veiligheidsredes in 1981 gesluit en dien tans as kantore vir Telkom.

Die Hillbrow-toring.
Adv. J.G. Strijdom

In 2009 is 'n 35 ton sokkerbal vir die 2010 FIFA Sokker-Wêreldbekertoernooi tydelik as bemarking op die toring aangebring.[1]

Fotogalery wysig

Hilbrow-toring
 
Sokkerbal 2010
Sokkerbal 2010  
 
Uitsig oor Hillbrow
Uitsig oor Hillbrow  
 
Die toring in die aand
Die toring in die aand  

Sien ook wysig

Verwysings wysig

  1. (en) "Hillbrow Tower gets on the ball". Engineering News. 18 Desember 2009. Geargiveer vanaf die oorspronklike op 19 Augustus 2011. Besoek op 19 Junie 2017.

Eksterne skakels wysig

Koördinate: 26°11′13″S 28°2′57″O / 26.18694°S 28.04917°O / -26.18694; 28.04917