Hoboken-katalogus
Die Hoboken-katalogus is 'n katalogus van die komposisies van Joseph Haydn. Dit is saamgestel deur Anthony van Hoboken en bevat 750 inskrywings. Die katalogus se volledige titel in Duits is Joseph Haydn, Thematisch-bibliographisches Werkverzeichnis ("Joseph Haydn, tematies-bibliografiese katalogus van werke"). Werk aan die katalogus het in 1934 begin en is afgesluit met 'n derde volume in 1978.
Die werke van Haydn word gewoonlik deur middel van hul Hoboken-katalogusnommers aangedui, byvoorbeeld Vioolconcerto nr. 1 in C-majeur, Hob. VIIa:1.
Die katalogus wysig
Die katalogus beslaan 1 936 bladsye en bevat besprekings oor manuskripbronne, vroeë weergawes, inskrywings in vorige katalogusse (insluitende die twee katalogusse wat Haydn self voorberei het), en kritiese kommentaar.
Rangskikking wysig
Katalogusse van komponiste se werke volg gewoonlik 'n chronologiese rangskikking (sortering volgens datum van komposisie) of 'n sortering volgens genre.[1] Die Hoboken-katalogus is gerangskik volgens genre. Die simfonieë is byvoorbeeld in kategorie I, die strykkwartette in kategorie III, die klaviersonates in kategorie XVI, ensovoorts.
| Hob. | Kategorie |
|---|---|
| I | Simfonieë (1–108) |
| Ia | Overtures (1–16) |
| II | Divertimenti in 4 and more Parts (1–47) |
| III | Strykkwartette (1–83b) |
| IV | Divertimenti in 3 dele (1–11) |
| V | Stryktrio's (1–21) |
| VI | Verskeie duo's (1–6) |
| VII | Concerto's vir verskeie instrumente |
| VIII | Marse (1–7) |
| IX | Danse en menuette (1–29) |
| X | Verskeie werke vir baryton (1–12) |
| XI | Trio's vir baryton, viool of viool en tjello (1–126) |
| XII | Duo's met baryton (1–25) |
| XIII | Concerto's vir baryton (1–3) |
| XIV | Divertimenti met klavier (1–13) |
| XV | Trio's vir klavier, viool of fluit en tjello (1–40) |
| XVa | Klavierduo's |
| XVI | Klaviersonates (1–52) |
| XVII | Klavierstukke (1–12) |
| XVIIa | Klavier-vierhande (1–2) |
| XVIII | Klawerbordconcerto's (1–11) |
| XIX | Stukke vir meganiese klok (Flötenuhr) (1–32) |
| XX | Weergawes van The Seven Last Words of Christ |
| XXa | Stabat Mater |
| XXI | Oratorios (1, 2, 3) |
| XXII | Misse (1–14) |
| XXIII | Ander gewyde werke |
| XXIV | Kantates en arias met orkes |
| XXV | Liede vir 2, 3, en 4 dele |
| XXVI | Liede en kantates met klavier |
| XXVII | Kanonne (gewy 1–10; sekulêr 1–47) |
| XXVIII | Opera (1–13) |
| XXIX | Marionette-operas (Singspiele) |
| XXX | Toevallige musiek |
| XXXI | Verwerkings van Skotse (273) en Walliese (60) volksliedere |
Sien ook wysig
Verwysings wysig
- ↑ Voorbeelde van katalogusse wat chronologies gerangskik is, is die Köchelverzeichnis van Wolfgang Amadeus Mozart se werke of Otto Erich Deutsch se katalogus van Franz Schubert se werke. 'n Voorbeeld van 'n katalogus wat volgens genre gerangskik is, is Wolfgang Schmieder se katalogus van Johann Sebastian Bach se werke.