Hugenote-gedenkmuseum

Hugenote-gedenkmuseum
Hugenote-gedenkmuseum
Plek	Franschhoek
Openingsjaar	Suid-Afrika
Tipe museum	Gedenkmuseum
Webtuiste	museum.co.za

Die Hugenote-gedenkmuseum by Franschhoek, in die Wes-Kaap, Suid-Afrika, gedenk die koms van die Hugenote na die Kaap van Goeie Hoop nadat hulle uit Frankryk moes vlug as gevolg van vervolging na die herroeping van die Edik van Nantes in 1685, en die bydrae wat hulle tot die ontwikkeling van Suid-Afrika gelewer het. Dit staan op dieselfde terrein as die Hugenotemonument.

Die museumgebou is die herboude Saasveld, die elegante agtiende-eeuse woning van baron Willem Ferdinand van Reede van Oudtshoorn.

Die museum beskik oor 'n groot verskeidenheid meubels, Bybels, silwerware, kombuisgereedskap, dokumente en artefakte wat die lewe van die Hugenote aan die Kaap van Goeie Hoop treffend uitbeeld. Aandenkings is ook hier te koop, onder meer die Hugenotekruis wat gereeld deur nasate van die Hugenote by geskikte geleenthede as identifikasieteken gedra word.

Agter die gedenkmuseum is 'n boog aangebring waarop die woorde “Post tenebras lux” – wat “na die duisternis: lig” beteken, herinner aan die feit dat baie die Hugenote as vlugtelinge in Suid-Afrika 'n heenkome gevind het.

Die museum-anneks is geleë oorkant die straat en bevat verdere uitstallings, asook 'n aandenkingswinkel.

Bibliografie

• Fisher, Roger C. (samesteller): Visuele leksikon van die Suid-Afrikaanse woning. Kaapstad: Unibook Publishers, 1992. ISBN 1-86819-320-9

Eksterne skakels

• (en) Die Hugenotestigting van Suid-Afrika se webwerf
• (en) The Huguenot Memorial Museum
• (en) Artikel: The Huguenot Heritage