Ian Matthew Morris (gebore op 27 Januarie 1960) is 'n Britse argeoloog, geskiedkundige en akademikus. Hy is tans 'n Willard Professor van Oudheid by Stanford Universiteit.[1]

Ian Matthew Morris
Gebore27 Januarie 1960
NasionaliteitVlag van Verenigde Koninkryk Verenigde Koninkryk
BeroepArgeoloog, skrywer, historikus

Vroeë Lewe wysig

Morris het grootgeword in die Verenigde Koninkryk. Hy het Alleyne's High School in Stone, Staffordshire bygewoon, en antieke geskiedenis en argeologie studeer by die Universiteit van Birmingham. Hy het sy PhD by Universiteit van Cambridge verkry.[1]

Loopbaan wysig

Morris het vanaf 1987 tot 1995 by die Universiteit van Chicago klas gegee. Hy is sedert 1995 by Stanford-universiteit.

Sedert hy by Stanford aangesluit het, het hy gedien as Assosiaat Dekaan van Lettere en Wysbegeerte en Geesteswetenskappe, as Hoof van die Oudheid Departement, en as Direkteur van die Maatskaplike Wetenskappe-Historiese Instituut. Hy was een van die stigterslede van die Stanford Argeologiese Sentrum en het vir twee termyne as die Sentrum se direkteur gedien.[2] Hy het uitvoerig gepubliseer oor die geskiedenis en argeologie van die antieke Middellandse streek en oor Wêreldgeskiedenis. Hy het ook in 2009 'n dekaansprys vir uitnemendheid in Onderrig gewen.[3]

Tussen die jare 2000 en 2007 het hy Stanford se argeologiese uitgrawing by Monte Polizzo, Sisilië, Italië gelei.[2]

Verskeie navorsings-genootskappe van die John Simon Guggenheim Gedenkstigting, Hoover Instituut,[4] Nasionale Begiftigingsfonds vir die Geesteswetenskappe,[2]Sentrum vir Hellenistiese Studies in Washington, D.C.,[5] en Instituut vir Navorsing in die Geesteswetenskappe, Universiteit van Wisconsin-Madison is al aan hom toegeken.[5] Hy is ook 'n Korresponderende Genoot van die Britse Akademie; en eregrade deur De Pauw Universiteit en Birmingham Universiteit is aan hom toegeken. In 2012 was sy werk die onderwerp van 'n ellelange profiel in die Chronicle of Higher Education.[6] Hy het in 2012 die Tanner Lesings op Menslike Waarde by die Universiteit van Princeton gelewer.[7]

Ian Morris beplan om op sy oogpunte betreffende die eerste-millennium BC transformasies (die skuif van godsdiens-gebaseerde mag na burokratiese en militêre mag) in sy nuwe boek uit te brei.[8]

Oorsig oor enkele werke wysig

War! What is it Good For? wysig

War! What is it Good For?: Conflict and the Progress of Civilization from Primates to Robots was deur Farrar, Straus en Giroux in die VSA gepubliseer en deur Profile Books in Brittanje in April 2014.[9][10][11][12] Morris argumenteer daarin dat daar genoeg bewyse is om die geskiedenis van geweld na te spoor oor baie duisende jare en dat 'n opspraakwekkende feit hieruit voortvloei, naamlik dat vir al die gruwels van oorlog oor die laaste 10,000 jare, dit eintlik die wêreld veiliger en ryker gemaak het, aangesien dit bykans die enigste wyse is waarop mense groot, intern-passiewe samelewings geskep het wat dan die koers van geweldadige sterftes af gebring het. Hy argumenteer dat die lesse van die laaste 10,000 jaar van militêre geskiedenis mens leer dat die manier om oorloë te beëindig die kuns is om te leer hoe om dit te bestuur, en nie deur dit te verwens nie. Morris wy ook 'n hoofstuk aan die 1974-1978 Gombe Sjimpansee Oorlog in Tanzanië. Die Duitse vertaling van die boek, Krieg: Wozu er gut ist, was in Oktober 2013 deur Campus Verlag gepubliseer. 'n Nederlandse vertaling was in 2014 deur Spectrum (Houten/Antwerp) gepubliseer genaamd Verwoesting en vooruitgang. Daar word nog vyf vertalings van die werk beplan.

Prys en eerbewyse wysig

  • Morris is 'n 2014 Kalifornië Boektoekennings Nie-fiksie Finalis vir War! What is it Good For?[13]

Bibliografie wysig

Notas wysig

Hierdie artikel is in sy geheel of gedeeltelik vanuit die Engelse Wikipedia vertaal.

Verwysings wysig

  1. 1,0 1,1 "Ian Morris". Department of Classics (in Engels). Stanford University. Geargiveer vanaf die oorspronklike op 5 November 2013.
  2. 2,0 2,1 2,2 "Classics and History Expert - Ian Morris | Humanities at Stanford". 17 Februarie 2014. Geargiveer vanaf die oorspronklike op 1 November 2009. Besoek op 19 Junie 2017.
  3. "H&S Dean's Award - School of Humanities and Sciences". 3 Augustus 2011. Geargiveer vanaf die oorspronklike op 11 Desember 2016. Besoek op 19 Junie 2017.
  4. "Ian Morris". Hoover Institution (in Engels). Geargiveer vanaf die oorspronklike op 5 November 2013. Besoek op 19 Junie 2017.
  5. 5,0 5,1 Trei, Lisa (24 April 2002). "Faculty win Guggenheims for 'exceptional' scholarship:4/02". Stanford News Service. Besoek op 19 Junie 2017.
  6. Parry, Marc (25 Februarie 2013). "The Shape of History". The Chronicle of Higher Education. Geargiveer vanaf die oorspronklike op 19 Junie 2019. Besoek op 19 Junie 2017.
  7. "Princeton UCHV" (in Engels). 20 Junie 2013. Geargiveer vanaf die oorspronklike op 4 Maart 2016. Besoek op 19 Junie 2017.
  8. Note 24 to Chapter 5 in Foragers, Farmers, and Fossil Fuels
  9. Shephard, Ben (19 April 2014). "Books: What Is It Good for?". The Guardian (in Engels). Geargiveer vanaf die oorspronklike op 19 Junie 2019. Besoek op 19 Junie 2017.
  10. Lowe, Keith (25 April 2014). "War: What Is It Good For? by Ian Morris, review". Daily Telegraph (in Engels). Geargiveer vanaf die oorspronklike op 19 Junie 2019. Besoek op 19 Junie 2017.
  11. Lutz, Catherine (10 Julie 2014). "'War: What Is It Good For?' by Ian Morris". SFGate (in Engels). Geargiveer vanaf die oorspronklike op 3 Maart 2020. Besoek op 19 Junie 2017.
  12. Fernandez-Armesto, Felipe (11 April 2014). "Book Review: 'War! What Is It Good For?' by Ian Morris". Wall Street Journal (in Engels). Geargiveer vanaf die oorspronklike op 10 Maart 2016. Besoek op 19 Junie 2017.
  13. "84th Annual California Book Awards Winners" (in Engels). Geargiveer vanaf die oorspronklike op 6 Junie 2017.

Eksterne skakels wysig