Institut de France
Die Institut de France (Franse uitspraak: ɛ̃stity də fʁɑ̃s}}, Instituut van Frankryk) is 'n Franse skolastiese genootskap wat vyf académies omvat, insluitende die Académie française.
| Institut de France | |
|---|---|
 |
Die Instituut, wat in Parys geleë is, bestuur nagenoeg 1,000 stigtings sowel as museums en châteaux wat oop is vir besoeke. Dit ken ook pryse en subsidies toe - welke in 2017 neergekom het op 'n verstommende bedrag van meer as €27 miljoen per jaar.[1] Die meeste van die pryse word op aanbeveling van die académies deur die Instituut toegeken.
Geskiedenis wysig
Die gebou was oorspronklik opgerig as die Collège des Quatre-Nations deur Kardinaal Mazarin as 'n skool vir studente vanuit nuwe provinsies wat geannekseer en toegevoeg is tot Frankryk onder Louis XIV. Die Institut de France was op 25 Oktober 1795 deur die Franse regering gestig.[2]In 2017 was Xavier Darcos as die Institut de France se kanselier benoem.[3]
Académies wysig
- Académie française (Franse Akademie, betrokke by die ontwikkeling van die Franse taal) – dit is in 1635 geïnisieer, in 1793 onderdruk, en in 1803 as 'n afdeling van die Instituut herstel.
- Académie des inscriptions et belles-lettres (Akademie van Lettere en Wysbegeerte/Geesteswetenskappe) – geïnisieer in 1663.
- Académie des sciences (Akademie van Wetenskappe) – geïnisieer in 1666.
- Académie des beaux-arts (Akademie van Fyn Kunste) – geskep in 1816 as die samesmelting van die
- Académie de peinture et de sculpture (Akademie van Skilderkuns en Beeldhouwerk, geïnisieer in 1648)
- Académie de musique (Akademie van Musiek, geïnisieer in 1669) en
- Académie d'architecture (Akademie van argitektuur, geïnisieer in 1671)
- Académie des sciences morales et politiques (Akademie van Morele en Politiese Wetenskappe) – geïnisieer in 1795, onderdruk in 1803, hervestig in 1832.
Invloed wysig
Die Royal Society of Canada wat in 1882 geïnisieer is, is gemodelleer na voorbeeld van die Institut de France, en die Koninklike-genootskap van Londen. Die Libanese Akademie van Wetenskappe, amptelike bekend ingevolge sy Franse naam as "Académie des Sciences du Liban" (ASL), is breedweg geskoei op die Franse Akademie van Wetenskappe, waarmee dit op deurlopende wyse gesamentlike programme bestuur.
Sien ook wysig
Eksterne skakels wysig
Verwysings wysig
- ↑ "L'Institut de France et le mécénat" (in Frans). Institut de France. Geargiveer vanaf die oorspronklike op 9 November 2019. Besoek op 9 Maart 2019.
- ↑ Planet, Lonely. "Institut de France in Paris, France". Lonely Planet (in Engels). Besoek op 18 Desember 2017.
- ↑ "Xavier Darcos devient chancelier de l'Institut de France". FIGARO (in Frans). 12 Desember 2017. Geargiveer vanaf die oorspronklike op 22 Januarie 2020. Besoek op 18 Desember 2017.