Professor John Dickie (gebore in 1963) is 'n Britse skrywer, geskiedkundige en akademikus wat in Italië spesialiseer. Hy is gebore in Dundee en word in Leicestershire grootgemaak. Hy ontvang sy opvoeding by die Loughborough Grammar School. Hy studeer moderne tale aan Pembroke College, Oxford, en behaal 'n baccalaureusgraad met eersteklas honneurs. Hy het hierna sy studies aan die Universiteit van Sussex voortgesit, 'n meestersgraad voltooi en 'n doktor in filosofie geword. Hy is professor in Italiaanse studies aan die University College in Londen, waar hy sedert 1993 klas gee.
Dickie is die skrywer van verskeie boeke soos: Darkest Italy. The Nation and Stereotypes of the Mezzogiorno, 1860-1900 (New York, 1999), Cosa Nostra: A History Of The Sicilian Mafia (2004),[1] Delizia! The Epic History of Italians and their Food (2007), Una catastrofe patriottica. 1908: il terremoto di Messina (A Patriotic Catastrophe. 1908: The Earthquake of Messina, Rome, 2008), Blood Brotherhoods: the Rise of the Italian Mafias (2011) en Mafia Republic: Italy's Criminal Curse. Cosa Nostra, 'Ndrangheta en Camorra from 1946 to the Present (2014).
Sy navorsingsvelde en - belangstellings word gelys as "Die Verhaal van die Italiaanse Suide, Italiaanse nasionalisme en nasionale identiteite, die kulturele geskiedenis van liberale Italië, kulturele en kritiese teorie, georganiseerde misdaad, en Italiaanse kos." In 2005 het die president van die Italiaanse Republiek hom met die Commendatore dell'Ordine della Stella della Solidarietà Italiana vereer (Kommandeur van die Orde van die Ster van Italiaanse Solidariteit), te wete 'n Italiaanse ridderskap.[2] In 2005 trou hy met die skrywer Sarah Penny. Hulle het drie kinders.
Eksterne skakels
wysig
Verwysings
wysig
