Wikipedia

John Peter Zenger

John Peter Zenger (26 Oktober 1697 – 28 Julie 1746) was 'n Duitse drukker en joernalis in New York Stad. Zenger het die New York Weekly Journal gedruk.[1] Hy is in 1734 van laster (naamskending) beskuldig deur William Cosby, die koninklike goewerneur van die Provinsie van New York, maar is onskuldig bevind deur die jurie. Dit het 'n simbool geword vir die vryheid van die pers.[2]

John Peter Zenger
Gebore26 Oktober 1697
Impflingen, Rynland-palatinaat, Heilige Romeinse Ryk
Sterf28 Julie 1746
New York
BurgerskapBrits
Beroepkoerantskrywer
Die verhoor, soos voorgestel deur 'n illustreerder in die boek uit 1883 getiteld Wall Street in History

In 1733 het Zenger die New York Weekly Journal begin druk, wat opinies gehuldig het wat krities was oor die koloniale goewerneur William Cosby.[3] Op 17 November 1734 is Zenger op bevel van Cosby deur die landdros gearresteer. Nadat 'n jurie (grand jury) geweier het om hom in 'n staat van beskuldiging te plaas, het die destydse Prokureur-generaal, Richard Bradley, hom in Augustus 1735 van laster aangekla.[4]

Zenger se prokureurs, Andrew Hamilton en William Smith Snr., het suksesvol geargumenteer dat 'waarheid' 'n verweer teen lasteraanklagte is.[5]

Vroeë lewe wysig

Peter Zenger is in 1697 gebore uit die huwelik tussen Nicolaus Eberhard Zenger en sy vrou Johanna. Sy vader was 'n skoolonderwyser in Impflingen in 1701. Die Zenger gesin het in 1697 en 1703 ook ander kinders in Rumbach laat doop [6]:1202 en in Waldfischbach in 1706. [7]Die Zenger gesin het in 1710 na New York geïmmigreer as deel van 'n groot groep Duitse Palatinate. Nicolaus Zenger was een van diegene wat voor vestiging gesterf het. [6]:1123 Die goewerneur van New York het ingestem om vakleerlingskappe vir al die kinders van immigrante uit die Palts te gee, en John Peter het agt jaar lank as vakleerling by William Bradford, die eerste drukker in New York, gedien. [8] Teen 1720 het hy drukwerk aangeneem in die Provinsie van Maryland, hoewel hy teen 1722 permanent na New York teruggekeer het. [6]:1124 Na 'n kort vennootskap met Bradford in 1725 het Zenger as 'n kommersiële drukker in Smithstraat in Manhattan begin werk. [9]

Op 28 Mei 1719 is Zenger getroud met Mary White in die First Presbyterian Church, Philadelphia. [10] Op 24 Augustus 1722 het Zenger (nou 'n wewenaar) weer getrou, die keer met Anna Catharina Maul in die Collegiate Church in Manhattan. [11][12]

Lastersaak wysig

 
'n Bladsy uit Zenger se New-York Weekly Journal, 7 Januarie 1733

In 1733 het Zenger koerante in New York gedruk om sy meningsverskil met die optrede van die pas aangestelde koloniale goewerneur William Cosby te kenne te gee. By sy aankoms in New York Stad het Cosby in 'n rusie met die raad van die kolonie betrokke geraak oor sy salaris. Omdat hy nie die hoogste hof van die kolonie kon beheer nie, het hy hoofregter Lewis Morris verwyder en hom vervang deur James DeLancey van die Royal Party. Zenger se New-York Weekly Journal, wat ondersteun is deur lede van die Popular Party, het voortgegaan om artikels te publiseer wat krities oor die koninklike goewerneur was. Uiteindelik het Cosby 'n proklamasie uitgereik waarin hy die koerant se "diverse skandalige, virulente, valse en opruiende opmerkings" veroordeel het. [13]

Zenger is van laster aangekla. James Alexander was Zenger se eerste advokaat, maar die hof het hom uit die saak verwyder omrede hy minagtend teenoor die hof opgetree het. Na meer as agt maande gevangenisstraf is Zenger uiteindelik verhoor. Hy is verteenwoordig deur 'n advokaat uit Philadelphia, Andrew Hamilton en die New Yorkse prokureur William Smith snr. Die saak was nou 'n cause célèbre, met koorsagtige openbare belangstelling. Hamilton is tydens die verhoor herhaaldelik deur hoofregter James DeLancey op sy plek gesit en het derhalwe besluit om sy kliënt se saak direk voor die jurie te pleit. Nadat die prokureurs vir beide partye hul argumente gefinaliseer het, het die jurie die hof verlaat, en binne slegs tien minute teruggekeer met 'n onskuldigbevinding.

In hul verdediging van Zenger in die saak het Hamilton en Smith gepoog om die presedent vas te stel dat 'n verklaring, selfs al is dit lasterlik, nie lasterlik is indien dit as die waarheid bewys kan word nie, en daardeur sodoende persvryheid in Amerika bevestig; die daaropvolgende koninklike goewerneurs het egter tot die Amerikaanse Rewolusie persvryheid onderdruk. Hierdie saak is die grondslag van persvryheid in Amerika en nie die wettige presedent daarvoor nie. [3] Die joernalis Harry Croswell het so laat as 1804 'n reeks sake verloor omdat waarheid "nie" 'n verweer teen laster was nie, soos beslis deur die New Yorkse Hooggeregshof in People v. Croswell. Dit was eers die volgende jaar dat die wetgewende vergadering 'n wet aangeneem het wat die waarheid van 'n bewering toelaat as verweer teen 'n aanklag van laster.

"Cato" artikel wysig

Die artikel, wat geplaas is in 'n uitgawe van The New York Weekly Journal voor Zenger se arrestasie, is 'n tipiese aanval teen die regering. 'n Uitgawe gedateer 25 Februarie 1733[14] is 'n opiniestuk wat geskryf is onder die skuilnaam "Cato." Dit was 'n skuilnaam wat gebruik is deur die Britse skrywers John Trenchard en Thomas Gordon, wie se essays gepubliseer is as Cato's Letters (1723). Jeffery A. Smith skryf dat "Cato" "die toonaangewende bron van die 18de-eeuse libertynse persteorie was ... Uitgawes van "Cato's Letters" is dekades lank in Brittanje gepubliseer en herpubliseer en was uiters gewild in Amerika."[15] Hierdie artikel het sy lesers 'n voorskou gegee van dieselfde argument wat advokate Hamilton en Smith 18 maande later in die lastersaak van die regering teen Zenger aangebied het - die waarheid is 'n absolute verweer teen laster. Die woorde word herdruk uit Cato se opstel "Reflections Upon Libelling":

A libel is not less the libel for being true...But this doctrine only holds true as to private and personal failings; and it is quite otherwise when the crimes of men come to affect the publick…Machiavel says, Calumny is pernicious, but accusation beneficial, to a state; and he shews instances where states have suffered or perished for not having, or for neglecting, the power to accuse great men who were criminals, or thought to be so…surely it cannot be more pernicious to calumniate even good men, than not to be able to accuse ill ones.[16]

Afsterwe wysig

Zenger het op 28 Julie 1746 in New York gesterf. Sy vrou het sy besigheid voortgesit.[8]

Erfenis en eerbewyse wysig

Gedurende die Tweede Wêreldoorlog is die skip SS Peter Zenger na hom vernoem.[17]

Verdere leeswerk wysig

  • Copeland, David. "The Zenger Trial." Media Studies Journal 14#2 (2000): 2-7.
  • Covert, Cathy. "‘Passion Is Ye Prevailing Motive’: The Feud Behind the Zenger Case." Journalism & Mass Communication Quarterly (1973) 50#1 pp: 3-10.
  • Eldridge, Larry D. "Before Zenger: Truth and Seditious Speech in Colonial America, 1607-1700." American Journal of Legal History (1995): 337-358. in JSTOR
  • Levy, Leonard W. "Did the Zenger Case Really Matter? Freedom of the Press in Colonial New York." William and Mary Quarterly: A Magazine of Early American History (1960): 35-50. in JSTOR
  • Levy, Leonard Williams, ed. Freedom of the press from Zenger to Jefferson: early American libertarian theories (Irvington Publishers, 1966)
  • Olson, Alison. "The Zenger Case Revisited: Satire, Sedition and Political Debate in Eighteenth Century America." Early American Literature (2000) 35#3 pp: 223-245. online

Primêre bronne wysig

Verwysings wysig

  1. ↑ "7c. The Trial of John Peter Zenger". US History. Besoek op 24 Oktober 2012.
  2. ↑ Olson, Alison (2000). "The Zenger Case Revisited: Satire, Sedition and Political Debate in Eighteenth Century America". Early American Literature. 35 (3): 223–245.
  3. ↑ 3,0 3,1 "Peter Zenger and Freedom of the Press". Early America. Geargiveer vanaf die oorspronklike op 4 Oktober 2012. Besoek op 24 Oktober 2012.
  4. ↑ "Zenger Trial". History Empire. Besoek op 18 November 2012.
  5. ↑ Horton, Scott (28 Februarie 2011). "The Obstinate Dr. Heicklen". Harper's Magazine.
  6. ↑ 6,0 6,1 6,2 Jones, Henry Z., Jr. (1985). The Palatine Families of New York 1710. Universal City, CA. ISBN 9780961388829.{{cite book}}: AS1-onderhoud: meer as een naam (link) AS1-onderhoud: plek sonder uitgewer (link)
  7. ↑ Jones, Henry Z., Jr. (1991). More Palatine Families. Universal City CA. p. 381. ISBN 9780897253949.{{cite book}}: AS1-onderhoud: meer as een naam (link) AS1-onderhoud: plek sonder uitgewer (link)
  8. ↑ 8,0 8,1 Keene, Ann T. (2013). "John Peter Zenger". Immigrant Entrepreneurship: German-American Business Biographies, 1720 to the Present. German Historical Institute.
  9. ↑ "The New York Weekly Journal and the Arrest of John Peter Zenger". Federal Hall. National Park Service.
  10. ↑ Presbyterian Historical Society; Philadelphia, Pennsylvania; Church Registers; Book Title: Church Register 1701-1746; Accession Number: V MI46 P477rr v.1.
  11. ↑ The Archives of the Reformed Church in America; New Brunswick, New Jersey; Collegiate Church, Ecclesiastical Records, Baptisms, Members, Marriages, 1639-1774.
  12. ↑ Keene, A. (12 Februarie 2013). John Peter Zenger. Besoek op 5 Maart 2018
  13. ↑ Hudson, Frederic. (1873) Journalism in the United States, from 1690-1872. Forgotten Books. p. 82.
  14. ↑ Alhoewel hierdie uitgawe van Zenger se koerant dateer uit 1733, was die werklike jaar 1734. Destyds het Brittanje en die kolonies 'n kalenderstelsel gebruik waarin Januarie, Februarie en 'n deel van Maart die voorafgaande jaar se datum behou het. Hierdie stelsel is in die 1750's uitgeskakel.
  15. ↑ Smith, Jeffery (1990). Printers and Press Freedom: The Ideology of Early American Journalism. Oxford University Press. p. 25. ISBN 9780195362367.
  16. ↑ Gordon, Thomas (10 Junie 1721). "Reflections Upon Libelling". Classical Liberals. Besoek op 30 September 2016.
  17. ↑ Williams, Greg H. (25 Julie 2014). The Liberty Ships of World War II: A Record of the 2,710 Vessels and Their Builders, Operators and Namesakes, with a History of the Jeremiah O’Brien. McFarland. ISBN 1476617546. Besoek op 7 Desember 2017.

Eksterne skakels wysig

Ontsluit van "https://af.wikipedia.org/w/index.php?title=John_Peter_Zenger&oldid=2478758"