Jurie Els

Afrikaanse sanger

Jurie Els is 'n bekende Afrikaanse liedjieskrywer en sanger. Hy het bekendheid verwerf toe hy in 1991 as die algehele wenner van die eerste Noot vir Noot TV-vasvraprogram op televisie uit die stryd getree het. Els begin sy sangloopbaan in 1993 deur saam met Ken Mullan voor regstreekse gehore op te tree. Sy album Vat-Vat, was 'n platinumverkoper in 1995. Sedert 1994 het hy 36 albums/DVD's die lig laat sien. Hy het sedert 1984 meer as 600 liedjies se lirieke vir meer as 50 Suid-Afrikaanse kunstenaars geskryf, insluitende treffers vir kunstenaars soos Sonja Herholdt, Rina Hugo, Gé Korsten, Carike Keuzenkamp, Bobby Angel, Robbie Klay, OTH, Joanna Field, Caroline du Preez, Nádine en Patricia Lewis.[1]

Jurie Els
GeboreVrede, Vrystaat, Suid-Afrika
GenresLigte Afrikaanse musiek
Beroep(e)Musikant
InstrumenteStem
Jare aktief~1984 – 2015

Biografie wysig

Els matrikuleer in 1981 van die Hoërskool Vrede en trou in 2005 met die hoogspringer en tweemalige Olimpiese silwermedalje-wenner Hestrie Cloete. Hulle het twee kinders: Chrizette en Jason John Els.[2]

Els is in 2009 aangekla van onsedelike aanranding teen medesanger Robbie Klay. Die regter, Chris Eksteen, het Klay se getuienis as onvoldoende afgemaak en Els vrygespreek.[3] Regter Eksteen het Klay as 'n "patetiese getuie" bestempel wat die hof mislei en leuens vertel het. Die regter het in sy uitspraak gesê die vermoede bestaan dat Klay gemolesteer is, maar dat die identiteit van sy molesteerder onbekend is. Els het in sy getuienis ook onder eed bevestig dat hy aanvanklik vermoed het Klay is kleintyd gemolesteer.

Op 18 Februarie 2010 verwerp waarnemende regter Jan Hiemstra in die Pretoriase hooggeregshof Jenny Liebenberg, Robbie Klay se ma, se lastereis van R500 000 teen Jurie Els.

Jurie Els se outobiografie, Ver van vrede, het in September 2010 verskyn (ISBN 978-0-620-47529-7). Die uitgewer is Naledi. Die boek bestaan uit Els se lewensverhaal sowel as uitgebreide aanhalings uit die amptelike hooggeregshofrekord van Saak CC206 van 2009: Die Staat vs. C J ELS.[4]

Op 30 November bevind 3 appèlregters in die appèlhof in Bloemfontein die hoofredakteur van Huisgenoot en You, Esmarè Weideman en Media24, skuldig aan minagting van die hof deurdat 'n artikel waarin Robbie Klay Els van kindermolestering beskuldig het, gepubliseer is ten spyte van 'n hooggeregshofbevel wat publikasie daarvan verbied het. Els stel in Februarie 2011 'n eis van R5,5 miljoen teen Media24 en Weideman in. Weideman is uiteindelik met R15 000 beboet en Media24 met R60 000.

Diskografie wysig

Jurie Els se albums/DVD's en "Sell-thru" video's:

  • 20 Goue Treffers (2015) Select / Sony
  • Stil Verby: 48 Hoogtepunte van 21 Jaar (2015) Universal
  • Super 12 Treffers (2014) Next Music
  • Beach House in the Blue Mountains (duet album with Alan Garrity) (2014), Universal
  • Spring Bobbejaantjie: 23 Beste Kinderliedjies (met MAGDA GREYLING) (2013), EMI
  • Vertrou Net en Glo: 21 Liedjies van Geloof, Hoop en Liefde (2012) EMI
  • SA COUNTRY GOLD: The Very Best of Jurie Els (2011), EMI
  • Voorbegin: Vat-Vat 5 (2011), Stetson Music / SMD
  • 40 Goue Treffers: Dankie Suid-Afrika (2008), Stetson Music / SMD
  • Collections (2007), Sony
  • 'n Dans Met Pa: 25 Grootste Treffers (DVD 2007), Sony
  • Net Jy Versamelalbum (2007), Stetson Music
  • Stille Rivierstroom: 16 Country Gunstelinge (2007), Stetson Music
  • Is Jy Seker? (2006), Maranatha
  • Ek Bid (2006), Sony BMG
  • Honderd Bewonderd (2005), Stetson Music
  • 18 Lekker Kinderliedjies (met Magda Greyling)(2005), Hoezit
  • Treffers (2004), Sony BMG
  • Jurie & Hestrie: Die Troue & 10 Musiekvideo's (DVD 2005), Sony BMG
  • 10 Uit 10 (2004), Hoezit
  • Gospel 21 Treffers (2003), BMG
  • Goud 2 (2002), BMG
  • Sonvanger (2001), Stetson Music
  • Goud (2001) (Goue Status), BMG
  • Sewe Reënboë (2000), Stetson Music
  • Verbly jou in die Here (2000), BMG
  • Die Hart Van 'n Wenner (1999), BMG
  • Neem My T'rug (Versamelalbum 1999)
  • Duet (met Patricia Lewis) (1998), BMG (Platinum Status)
  • Hoe Sê Mens Dankie: Treffers op Video (Sell-thru video 1998), BMG
  • Vat-Vat 4: Dans, Dans Met My! (1998), BMG
  • Ek Hoor As U Roep (1997) (Goue status), BMG
  • Vat-Vat Vol. 3: My Deure Staan Oop (1997) (Goue Status), BMG
  • Vat-Vat Vol. 2 K-K-Kyk na my! (1996) (Goue Status), BMG
  • Vat-Vat (1995) (Platinum Status), BMG
  • Laat My Weet (1994), BMG
  • Soveel Drome (1994), Stetson Music

Verwysings wysig

  1. Who's Who SA Geargiveer 26 September 2011 op Wayback Machine, besoek op 16 Februarie 2011.
  2. Jurie en Hestrie Els ’n seuntjie ryker Geargiveer 14 Januarie 2012 op Wayback Machine, Die Burger, 25 Julie 2008.
  3. Jurie Els is vrygespreek[dooie skakel], Beeld, 4 Desember 2009
  4. Boeke: Outobiografie ver van genoeg oor Els se lewe, Beeld, 14 November 2010.

Sien ook wysig

Eksterne skakels wysig