Kagerarivier
Die Kagerarivier (Engels: Kagera River; Swahili: Mto Kagera), soms ook Akagerarivier genoem, vorm die begin van die Nylrivier se boloop en is met 'n lengte van 400 km die grootste invloei van die Victoriameer.[1]
| Kagerarivier | |
|---|---|
 | |
 Die stroomgebied van die Kagerarivier. | |
| Oorsprong | Rwerumeer op die grens tussen Burundi en Rwanda |
| Monding | Victoriameer, naby Bukoba Tanzanië |
| Stroomgebied | Burundi, Rwanda, Uganda en Tanzanië |
| Lengte | 400 km (250 myl) |
| Oorspronghoogte | 1 350 m (4 429 vt) |
| Mondinghoogte | 1 134 m (3 720 vt) |
| Stroomgebiedopp. | 60 000 km² |
Die Kagerarivier ontstaan as uitvloei vanuit die Rwerumeer op die grens tussen Burundi en Rwanda, net noordoos van die Tanganjikameer. Aansluitend vloei die rivier in 'n oostelike rigting en vorm die grens tussen Rwanda in die noorde en Tanzanië in die suide. Verder oos begin die Kagerarivier in 'n noordelike rigting vloei tot by die drielandepunt tussen Rwanda, Uganda en Tanzanië. Vanaf hier vloei die rivier in 'n oostelike rigting op die grens tussen Uganda in die noorde en Tanzanië in die suide, maar later net suid van dié grens. Verder oos vloei die Kagerarivier naby Bukobain in die Victoriameer.
Geskiedenis wysig
Tydens die Rwandese Volksmoord van 1994 is die Kagerarivier gebruik om duisende se lyke le laat verdwyn toe Tutsis en polities moderate Hutu langs die rivieroewers vermoor is. Die rivier het die gesmoorde liggame in die Victoriameer gespoel, wat 'n ernstige gesondheidsgevaar in Uganda sou veroorsaak.[2]
Sien ook wysig
Verwysings wysig
- ↑ (en) Stanley, H.M., 1899, Through the Dark Continent, London: G. Newnes, bl. 167, ISBN 0486256677
- ↑ Lorch, Donatella (21 Mei 1994). "Thousands of Rwanda Dead Wash Down to Lake Victoria". The New York Times (in Engels). Geargiveer vanaf die oorspronklike op 22 Oktober 2019. Besoek op 5 April 2019.
Eksterne skakels wysig
Wikimedia Commons het meer media in die kategorie Kagerarivier.- (en) "Kagera River". Encyclopædia Britannica. Besoek op 5 April 2019.
