Karanos (Grieks: Κάρανος; 808-778 v.C.) word beskou as die eerste koning van Masedonië. Hy het sy eerste koninkryk in Aigai gevestig.

Karanos
Koning van Masedonië
Tydperk tradisioneel: 808 v.C. – 708 v.C.
Grieks Κάρανος
Huis Argeïese Dinastie
Opvolger Koinos
Vrou onbekend
Kinders Koinos
Vader Temenus
Moeder onbekend
Geloof Griekse mitologie

Volgens legendes was Karanos die seun van Temenus. Laasgenoemde was saam met Kresfontes en Aristodemos die drie Doriese leiers wat die Miceense vasteland binnegeval het. Die drie krygshere het die land onder mekaar verdeel. Kresfontes het Messenië en Sparta gekry, Aristodemus Lakonië en Temenos Argos.

Ná die dood van Temenos het die prinse onder mekaar gestry oor wie hom moet opvolg. Een van hulle, Feidon, het sy broers verslaan en koning geword. Karanos het toe besluit om sy eie koninkryk te stig. Om seker te maak hy neem die regte besluit, het hy eers die orakel van Delphi besoek. Dié het gesê: "Jy moet jou koninkryk vind waar daar baie wild en tembare diere is."

Karanos het toe noord getrek en eindelik ’n groen vallei gekry wat aan die orakel se beskrywing voldoen het. Hy het daar ’n stad gebou wat hy Aigai genoem het. Dit is die teenswoordige Vergina, ’n belangrike argeologiese terrein waar al baie ontdekkings gedoen is.

Karanos is opgevolg deur sy seun Koenos.

Verwysings wysig