Met ’n kardanophanging (van byvoorbeeld ’n lamp of skeepskompas) word die voorwerp in ’n ronde ring opgehang aan twee skarniere wat op ’n lyn lê wat deur die middel van die ring loop; dié ring is self weer op dieselfde manier opgehang in ’n wyer ring, maar met skarniere op ’n lyn loodreg op die eerste.

Animasie van ’n kardan-ophanging wat om drie asse draai.

’n Derde ring kan ook bygevoeg word waarvan die as loodreg op albei ander asse lê. Hierdeur kan die opgehangde voorwerp vryelik draai om twee asse (by drie ringe drie asse). As die swaartepunt eksentries lê ten opsigte van die middelpunt van die ringe, sal die opgehangde voorwerp steeds regop bly hang ondanks bewegings van die buitenste ring, wat aan byvoorbeeld ’n boot of vliegtuig vas is.

Dit word ook 'n kardanusophanging[1] of cardanophanging[2] genoem.

Die belangrikste gebruik van hierdie soort ophanging is die giroskoop, die kardanaandrywing van ’n motor en in hommeltuie[3] met ’n kardanophanging vir die kamera.[4]

Verwysings wysig

  1. "Kardanring" in die HAT. Aanlyn by viva-afrikaans.org (intekening nodig). Besoek op 10 Desember 2019.
  2. "Cardanophanging" in die WAT. Aanlyn by viva-afrikaans.org (intekening nodig). Besoek op 10 Desember 2019.
  3. Army Scores a Super-Stealthy Drone That Looks Like a Bird
  4. Digital Gimbaled Camera Payload

Bronne wysig

Eksterne skakels wysig