Karl Schlögel (7 Maart 1948 in Hawangen, Beiere, Duitsland) is 'n Duitse historikus en publisis wat op moderne Russiese geskiedenis en kultuur, Stalinisme, die Russiese diaspora in Europa, die Russiese dissidentebeweging, die kulturele geskiedenis van Oos-Europese metropole en teoretiese vraagstukke in verband met historiese verhalende beskrywings.

Karl Schlögel tydens die boekeskou Leipziger Buchmesse in 2018. Sy werk Das sowjetische Jahrhundert. Archäologie einer untergegangenen Welt is met 'n prys bekroon

Biografie wysig

Karl Schlögel is in 1948 in Hawangen, 'n nedersetting in die Suidwes-Beierse streek Allgäu, in 'n boeregesin gebore. Sy skoolopleiding het hy by die hoërskool Humanistisches Gymansium Collegium Rupertinum in die Benediktyne-abdy Ottobeuren ontvang waar hy ook die Duitse matriekeksamen Abitur afgelê het. Vervolgens het hy tussen 1969 en 1981 sy akademiese opleiding in Oos-Europese geskiedenis, filosofie, sosiologie en Slawistiek aan die Freie Universität Berlin in die destydse Wes-Berlyn gevolg. Gedurende sy studentejare was Schlögel aktief betrokke by die Duitse studentebeweging.

Gedurende die 1970's en 1980's het hy talle reise na die Verenigde State, Noord-Afrika en Oos-Europa onderneem. In 1981 het hy sy doktersgraad met 'n tesis oor arbeiderskonflkikte in die post-stalinistiese Sowjetunie verwerf. Ná sy studies was hy aanvanklik as vryskutverstaler, publisis en privaat dosent werksaam - onder meer in Moskou (in 1982/83) en Leningrad (1987) waar hy navorsing gedoen het.

Vanaf 1990 het hy die leerstoel in Oos-Europese Geskiedenis aan die Universiteit Konstanz in Baden-Württemberg beklee. Tussen Oktober 1994 en Maart 2013 was hy professor in Oos-Europese Geskiedenis aan die Europa-univrsiteit Viadrina in Frankfurt an der Oder in die deelstaat Brandenburg.[1][2]

Verwysings wysig

  1. static.leipzig.de - Mediendatenbank Stadt Leipzig - Kulturamt: Literatur und Buchkunst. Besoek op 25 Februarie 2020
  2. "Europa-Universität Viadrina Frankfurt (Oder): Prof. Dr. Karl Schlögel - Curriculum vitae. Besoek op 25 Februarie 2020". Geargiveer vanaf die oorspronklike op 25 Februarie 2020. Besoek op 25 Februarie 2020.

Eksterne skakels wysig