Kazuo Ishiguro (Japannees: カズオ・イシグロ of 石黒 一雄; gebore 8 November 1954) is 'n Japannees-gebore Engelse romanskrywer. Sy familie het in 1960 van Japan na Engeland verhuis. Ishiguro is een van die mees gevierde hedendaagse skrywers in die Engelse taal. Hy het die Booker-prys in 1989 gewen vir sy roman The Remains of the Day. In 2017 is die Nobelprys vir Letterkunde aan hom toegeken.[1]

Kazuo Ishiguro
Kazuo Ishiguro in 2005
Gebore8 November 1954 (1954-11-08) (69 jaar oud)
NasionaliteitVlag van Verenigde Koninkryk Verenigde Koninkryk
Alma materUniversiteit van Kent
BeroepRomanskrywer
Bekend virA Pale View of Hills (1982)
An Artist of the Floating World (1986)
The Remains of the Day (1989)
Never Let Me Go (2005)
The Buried Giant (2015)
EggenootLorna MacDougall (1986–hede)
KindersNaomi Ishiguro (1992)

Lewensloop wysig

Hy is gebore in Nagasaki, Japan; sy gesin het in 1960 na die Verenigde Koninkryk verhuis toe hy vyf was.[2] Ishiguro het in 1978 aan die Universiteit van Kent met 'n baccalaureusgraad in Engels en filosofie gegradueer en in 1980 sy meestersgraad aan die Universiteit van East Anglia in kreatiewe skryfkursus behaal.

Ishiguro word beskou as een van die mees gevierde hedendaagse fiksie-outeurs in die Engelstalige wêreld, wat vier benoemings vir die Man Booker-prys ontvang het, en die toekenning in 1989 gekry het vir sy roman The Remains of the Day. Ishiguro se roman, Never Let Me Go, is aangewys as die beste roman van die jaar en is opgeneem in die tydskrif se lys van die beste Engelstalige romans wat tussen 1923 en 2005 gepubliseer is. Volgens hom was sy grootwordjare as deel van 'n Japannese familie in Brittanje noodsaaklik vir sy skryfwerk, aangesien dit hom in staat gestel het om 'n ander perspektief as dié van baie van sy Britse eweknieë te ontwikkel. Sy sewende roman, The Buried Giant, is in 2015 gepubliseer.

In 2017 het die Sweedse Akademie die Nobelprys vir Letterkunde aan Ishiguro toegeken, en hom beskryf as 'n skrywer "wat in romans van groot emosionele krag, die afgrond ontbloot onder ons illusionêre siening van ons verbintenis met die wêreld." Ishiguro is in die Koningin se Verjaarsdag-erelys vir 2018 tot ridder verhef.

Werke wysig

Romans wysig

Kortverhaal bundel wysig

  • Nocturnes: Five Stories of Music and Nightfall (2009)

Rolprentdraaiboeke wysig

  • A Profile of Arthur J. Mason (televisie film vir Channel 4)(1984)
  • The Gourmet (televisie film vir Channel 4) (1987)
  • The Saddest Music in the World (2003)
  • The White Countess (2005)

Kortverhale wysig

  • A Strange and Sometimes Sadness, Waiting for J en Getting Poisoned (in Introduction 7: Stories by New Writers, 1981)[32]
  • A Family Supper (in Firebird 2: Writing Today, 1983)
  • Summer After the War (in Granta 7, 1983)
  • October 1948 (in Granta 17, 1985)
  • A Village After Dark (in The New Yorker, May 21, 2001)

Lirieke wysig

  • "The Ice Hotel"; "I Wish I Could Go Travelling Again"; "Breakfast on the Morning Tram", and "So Romantic"; Jim Tomlinson / Kazuo Ishiguro, op Stacey Kent se 2007 Grammy-genomineerde album, Breakfast on the Morning Tram.
  • "Postcard Lovers"; Tomlinson / Ishiguro, op Kent se album Dreamer in Concert (2011).
  • "The Summer We Crossed Europe in the Rain"; "Waiter, Oh Waiter", and "The Changing Lights"; Tomlinson / Ishiguro, op Kent se album The Changing Lights (2013).
  • "Bullet Train"; "The Changing Lights", and "The Ice Hotel"; Tomlinson / Ishiguro, op Kent se album I Know I Dream: The Orchestral Sessions (2017).
  • "The Ice Hotel"; Tomlinson / Ishiguro – Quatuor Ébène, met Stacey Kent, op die album Brazil (2013).

Verwysings wysig

  1. "The Nobel Prize in Literature 2017" (in Engels). Nobelprize.org. Geargiveer vanaf die oorspronklike op 4 Augustus 2018. Besoek op 7 Oktober 2017.
  2. Oe, Kenzaburo (1991). "The Novelist in Today's World: A Conversation". Boundary 2. 18 (3): 110.

Eksterne skakels wysig