Kentani
Kentani is 'n klein dorpie in die voormalige Transkeistreek van die Oos-Kaap, Suid-Afrika. Die dorpie lê tussen die kus en Butterworth. Die dorpie is vernoem na 'n plaaslike hoofman wat sy hoofkwartier op 'n nabygeleë koppie gehad het. Die koppie se naam was kwaCentane "die plek van Centane".
Kentani | |
|---|---|
  Kentani Kentani se ligging in Oos-Kaap | |
| Koördinate: 32°31′0″S 28°19′0″O / 32.51667°S 28.31667°OKoördinate: 32°31′0″S 28°19′0″O / 32.51667°S 28.31667°O | |
| Land |  Suid-Afrika |
| Provinsie | Oos-Kaap |
| Distrik | Amathole |
| Munisipaliteit | Mnquma |
| Oppervlak | |
| • Totaal | 4,39 km2 (1,69 vk. myl) |
| Bevolking (2011)[1] | |
| • Totaal | 1 456 |
| • Digtheid | 332/km2 (860/vk. myl) |
| Rasverdeling (2011) | |
| • Wit mense | 1.1% |
| • Indiërs/Asiërs | 0.2% |
| • Bruin mense | 0.8% |
| • Swart mense | 96.2% |
| • Ander | 1.7% |
| Taal (2011) | |
| • Xhosa | 93.2% |
| • Engels | 1.7% |
| • Ander | 5.1% |
| Skakelkode | 047 |
Geskiedenis wysig
Dit is waar die laaste slag van die negende en laaste grensoorlog (1877-1878) plaasgevind het. Op 7 Februarie 1878 het ongeveer 5 000 Gcaleka en Ngqika onder bevel van aanvoerders Sandile en Sarhili die fort aangeval. Kaptein R. Upcher was in bevel van die garnisoen van 'n 1 000 man; die helfte was Fingo's. Die aanvallers is deur hulle toordokter oortuig dat hulle teen koeëls bestand was gevolglik het hulle 'n massa-aanval gedoen. Die gevolg was dat meer as 300 van die aanvallers dood is en die res verstrooi en tot in die berge agtervolg is. Hoofman Sandile het na die Groot-Keirivier gevlug.
Sien ook wysig
Verwysings wysig
- ↑ 1,0 1,1 1,2 1,3 "Hoofplek Kentani". Sensus 2011.
Hierdie Oos-Kaap-verwante artikel is slegs 'n saadjie. U kan ons wikipedia help deur dit uit te brei.